Vawiin (Dec. 1, 2023) hian J.M. Lloyd Hall, Synod Office-ah Synod Pastoral Committee an thu a, Rev. Dr. C. Chawnghmingliana, Moderator-in Meeting hi a kaihruai a ni. Pastoral Committee hi December 4 (Thawhtanni) hian an thu chhunzawm leh ang.

Tun tum Pastoral Committee thut khawmah hian thu ngaihtuah tur 16 chhawp chhuah a ni a. Pro. Pastor tang mek mi 54-te exam result thlir ho te, kum 2024 leh 2025-a Pastor pension tur chungchang te, kum 2023 Synod-a nemngheh tur chungchang te, kum 2024 Synod-a nemngheh tur Presbytery leh SMB-in an dilpui chungchang te ngaihtuah a ni a. Pro. Pastor hna dil interview neih a ni bawk. Kumin hian Synod hnuaia Pro. Pastor dil hi mi 99 an ni a, SMB hnuaia Pro. Pastor dil hi mi 7 an ni a, Field Worker Pro. Pastor dil hi mi 3 an awm bawk a, an vaiin mi 109 an ni.

Thawhtanni lamah hian Pastor thut hmun sawn leh Bial hming thlak chungchang te, Bial thar hawn leh Bial siam rem rawtna te, Presbytery thar hawn leh siam rem rawtna te, Minister, Pastor leh Pro. Pastor, chhan hrang hrang avanga an awmna hmun sawn ngaite awmna tur chungchang te ngaihtuah a ni dawn bawk a ni.

Synod Pastoral Committee-in a rel zawng zawng hi kumin Synod Inkhawmpuia ngaihtuah turin chhawp chhuah a ni ang.

For more Pics Click Here