Synod Hospital-a Dialysis Unit chuan hmasawn zelin Room tih zauh leh siamthat hna thawh a ni a. Vawiin (Dec. 13, 2023) chawhma dar 10:00 khan Dialysis room thar hi Rev. HC. Khaicho, Hospital Chaplain-in Pathian hnenah a hlan.
Room thar hlan hi Dr. Lalthakima, Director-in kaihruaiin, Upa Lalrinmuana, Coordinator hnen atangin Technical Report ngaihthlak a ni. Dr. Joseph Lalhmachhuana, Nephrologist (Super Specialist)-in lawmthu sawina leh Dialysis Unit Report a pe a. Dialysis room siam thar hna hi August 16, 2023 khan tan a ni a, Room thar siamnan leh Dialysis khawl thar lei nan a vaiin Rs. 29,34,780/- sen a ni.
Synod Hospital Dialysis Unit hian hma sawn zelin tunah hian Dialysis khawl 7 neih mek a ni a. Kum 2023 chhungin Dialysis vawi 2331 tih tawh a ni. Tunah hian Nephrology Ward siam turin hmalak chhoh mek a ni bawk.
Dialysis Unit-ah hian thawktu 9, a hnuaia mi ang hian an awm mek a ni:
(1) Super specialist - 1
(2) Medical Officer - 1
(3) Staff Nurse - 4
(4) Dialysis Technician - 2
(5) IV Grade - 1