January 25, 2024 (Ningani) chawhma dar 11:00 khan J.M. Lloyd Hall, Synod Office-ah Presbyterian Pastor Pension Fellowship Intawhkhawm neih a ni a. Session hnihah thenin chawhma leh chawhnuah te hun hman a ni.

Intawhkhawm Session 1-na hi Rev. Dr. Zaihmingthanga, PPPF Chairman-in a kaihruai a.Chawhma hunah hian Rorel a ni a, PPPF Secretary-in report a pe a, Tawnhriat Bu chhuah chhunzawm chungchang leh Annual membership fee tihpun chungchang te sawi zui niin kum 2024-2025 Office Bearer (OB) thlanna neih a ni bawk. 

Chawhnu hun hi Rev. C. Rosiama, PPPF Vice Chairman-in a kaihruai ve thung a. ‘Ram Rorelna Tha’ tih thupui Rev. Lalzuithanga ziah chu zir ho niin sawi hona pawh neih a ni. Hun tawpah Rev. Dr. Lalchungnunga, PPPF Asst. Secretary-in lawmthu a sawi a ni.

Presbyterian Pastor Pension Fellowship-ah hian Pastor pension apiang an tel zel a. Kum tinin intawhkhawm hi an nei thin a, infuih tharna leh inpawh tlanna hun hlimawm tak an hmang thin a ni.

For more Pics Click Here