Vawiin (Feb. 8, 2024) chawhma dar 10 khan Synod Hospital Board meeting vawi 146-na chu J.M Lloyd Hall, Synod Office-ah an thu a, member 44 an kal.
Meeting hi Synod Moderator Rev. R. Vanlalnghaka’n a kaihruai a, hming lamna te neih a nih hnuah Board Secretary Dr. Lalthakima’n report a pe a, report-ah chuan January 2024 atanga pension-a chhuak mi pasarih awm thu te, Nursing Service leh Nursing College kalpui dan tur ruahman a nih thu te, Damlo mi 65-te awm man bat Rs.26,22,624/- chu Charity sum atanga peksak a nih thu te, Mobile Clinic neih a nih thu te leh January 2024 chhunga thilpek hrang hrang dawn te tarlan a ni.
Tun tumah hian thu ngaihtuah tur 13 chhawp chhuah a ni a, Medical Superintendent ruat chungchang te, Senior Sister post ruak hnawh khah chungchang te, Synod Hospital ICU room renovate leh tihzauh chungchang te chu a langsar zualte an ni.