Synod Hospital Chawlhbuk (Waiting Shed) chu February 13, 2024 (Thawhlehni) khan Pathian hnena hlanna leh hawnna neih a ni.
Dr. Lalthakima, Director-in hlanna hun hi a kaihruai a, chawlhbuk satu ARDECO Design & Build atangin Technical Report ngaihthlak a ni. Chawlhbuk thar hi Rev. V.L. Luaia Hranleh, Executive Secretary i/c Hospital-in Pathian hnenah hlanna hun a hmang a, Upa Lalrinmuana, Coordinator-in lawmthu sawina hun a hmang.
“Synod Hospital, Durtlang hmun remchang laiah damlo kantute tan Chawlhbuk (waiting shed) Synod-in siam rawh se” tih Aizawl Hmar Presbytery rawtna chu 2019 Synod Inkhawmpuiin a tha e tiin, Synod Hospital Board bawh zui turin a rel a, chumi chu bawh zuiin Chawlhbuk hi Rs.40,00,000/- senga sak zawh a ni.
