Synod Multipurpose Training Centre (SMTC) buatsaih Lay Leaders Training vawi 192-na chu June 20 - 24, 2016 chhungin SMTC-ah neih a ni a, nizan (June 23, 2016) khan training kharna hun hman a ni.
Training kharna inkhawm hi Rev. Vansawma, Programme Director, SMTC in a kaihruai a, Nl. Lalncy Remlalhruaii'n Pathian fakna hla a sa a. SMTC Director hmasaber Rev. Lalrinawman thuchah sawiin Trainees te hnenah Certificate a sem a, Rev. K. Lalthangmawia’n lawmthu sawina hun a hmang. He training-ah hian Aizawl Central, Aizawl Chhim, Chhimphei, Chhimchhak, Chhimthlang leh Kolasib Presbytery atangin Kohhran Upa 38 an lo tel thei a ni. Vawiin (June 24, 2016) hian trainees-te hi Synod hmun pawimawh hrang hrang an fanpui ang.
Synod Multipurpose Training Centre-ah hian Lay Leaders' Training hi kum 1996 atangin neih tan a ni a. SMTC hmunah tum 157 leh hmun dangah tum 35 training neih tawhah Kohhran Upa 6108 training an awm tawh a. Kohhran Upa training-ah hian Kohhran kaihhruaina leh chawmna chi hrang hrang zir thin a ni.