PBS FAREWELL & DEDICATION VAWI 57-NA
April 25, 2024 | NEWS
Vawiin (April 25, 2024) khan Presbyterian Bible School (PBS) chuan Batch 57-na pualin Farewell and Dedication Programme, Pi Zaii Hall, Synod Conference Centre-ah an hmang.
Programme hi Rev. Lalrinsanga, Principal-in a kaihruai a, Rev. R. Vanlalnghaka, Synod Moderator-in zir chhuakte hnenah Certificate hlanin thuchah a sawi a, zirlai exam-a ti thate hnenah Rev. P.B. Mankima, Synod Secretary-in lawmman a hlan a, class kal kimte hnenah Upa Vanlalsawma Siakeng, Synod Secretary (Jr.)-in lawmman a hlan a, Pu C. Awithanga Award chu Rev. H. Laltlanthanga, Synod Statistician-in a hlan bawk.
PBS-ah hian a din tirh atangin tun thleng hian zirlai 2723 an awm tawh a, chung zinga 2271 chuan tha takin an pass tawh a. Tuna batch 57-naah hian zirlai 32 awmin zirlai 25-in tha takin an pass a, exam lo 6 an awm.
Exam-a ti tha zual pathumte hnenah lawmman Rs.1000/-, Rs.700/-, Rs.500/- leh lawmpuina thuziak PBS Committee hminga hlan a ni a, chungte chu:-
1-na - Helen Zothankhumi d/o K. Liandala (L), Jehova Shalom AG Church
2-na - Lalbiakzuali d/o Thangdailova, Chanmari West Kohhran
3-na - C. Lalnunpuii d/o Lalhmuchhuaka, Zamuang North Kohhran.
Batch 57-na zirlai zingah hian class kai kim mi paruk hnenah lawmman Rs.500/- theuh hlan a ni.
Kum 2014 atangin Christian Theology subject leh Kohhran Inrelbawlna leh PCI Danpui subject-a ti tha berte hnenah Pu C. Awithanga Award hlan thin a ni a. Batch 57-naah hian Kristian Theology subject leh Kohhran Inrelbawlna & PCI Danpui subject-ah te Helen Zothankhumin he Award hi a dawng a, Award hian Rs.1000/- a keng tel a ni.
