Reuben F. Zothanpuia chu nimin (March 16, 2015) chhun dar 12:50 khan pneumonia avangin Synod Hospital, Durtlang-ah a thi.
A chanchin Pu Reuben F. Zothanpuia hi Upa F. Zanawla leh Bawlkungi te fa 7 zinga 3-na niin June 28, 1966 khan Khawbung khuaah a lo piang a. Naupang pian tha leh duhawm tak a ni. A pianpui unaute (Upa dan indawtin):
Zirna lam Khawbung High School-ah Matric thlengin a zir a. Matric a zawh hnu hian Pu F. Lalrinawma (a patea) Khatla Bethel hnenah awmin Hrangbana College-ah PU thleng a zir a, College a kal laiin PWD Side Office-ah Semi Skill Labour-in hun engemaw chen a thawk a. June 14, 1990-ah Pi Zohmangaihi Rawite d/o Upa Zoramthanga Rawite, Jubilee, Mission Vengthlang nen Khawbung Biak Inah Rev. Lalthankhuma kutah an innei a, fa 5 leh tu 2 an nei.
An fate chu
Eizawnna July 1, 1994-ah Synod Electronic Communications Dept.-ah Technician-in a lut a. Synod Information & Publicity leh Property-ah te awm lehin tunah hian Receptionist hna a thawk mek a ni.
Kohhrana a rawngbawlna Naupang SS-ah Junior Dept. zirtirtu leh Asst. Leader, Senior Dept. zirtirtu leh Asst. Leader, Puitling zirtirtu, KTP Comt. member, Nilai zan thupui hawngtu, Social Front Comt. member-te a lo ni tawh thin a. Kumin 2015 hian Ramthar Comt., Light & Sound Comt., Kohhran Pavalai Pawl Comt. member hna te a chelh mek a ni.
Khawtlanga a rawngbawlna Kum 1992 khan Model Vengah an pem a, amah leh an chhungkua hrim hrim hi mi nelawm leh thenrual kawm thiam mi an ni a, thalai leh naupangte rawn kilkawi nghalin an inah hian an tlangnel nghal em em mai a ni. Mi fel leh taima khawtlang rawngbawlna ngai pawimawh mi na na na chu YMA Committee member-ah a lut nghal deuh mai a, YMA leh veng tana mi tangkai tak a ni chhunzawm ta zel a ni. Section OB-ah te tang chhovin, Sub-Comt. hrang hrangah a awm kual nasa hle a. Light & Sound Sub-comt. phei chu ama ho hian kum engemaw zat an kal a ni. YMA chanchinbu `Model Veng Aw’-ah hian kum 2 chhung Editor a ni tawh bawk. CYMA-ah pawh Branch aiawhin Sub-Comt. hrang hrangah member a ni thin a, CYMA chanchinbu Joint Editor pawh a lo ni tawh bawk. Tunah hian Central YMA Document & IT Sub-Committee Vice Chairman hna a chelh mek a ni. Pu Reubena hi mi harhvang, tho thang tha, mi tawng duh leh ti ti thiam, rem hre tak, fiam dawl leh thin nel tak a ni a, hauh leh sawisel pawh dawl tak, mahni in siamrem zung zung thei mi a ni. A dama a hman phawt chuan khawtlang leh YMA thil tih ngai pawimawha thulh hreh mi a ni.
A nat dan tlangpui Kum 2013 velah a Nerve sawisel tanin Guwahati-ah vawi 2 an kal a, Synod Hospital Durtlangah vawi 5 lai admit a ni bawk, a damdawi ina awm hi a thatpui hle thin a, a damdawi in chhuah hian Office lam hna a zawm thei nghal deuh zel thin. Kumin 2015 kumtir atangin insawisel leh tanin a âwm (chest) nâ a ti hle a. Damdawi nena tang chhovin a inenawl reng a, hengte avang hian Office lam pawh a kal peih meuh lova, hotuten hrethiamin hun engemaw chen chu chawlh an pe nghe nghe a ni. Kar hmasa Inrinni chhun lamah pawh a la pangngai viau a, amaherawhchu zan lamah a lo nuam lo zual deuh a, tichuan a tuk Dt. 15.3.2015 (Sunday)-ah Civil Hospital-ah in check up-in a chuap a lo chhe hle tawh tih hmuh chhuah a ni a, a thawte a hah bawk avangin Oxygen pek a ni bawk. Tichuan tlai lamah Synod Hospital Durtlangah chhovin ICU-ah dah nghal a ni a, a khawsik a sangin a kaih reng a, ventilator hmanga thawktir niin, nimin Dt. 16.3.2015 chhun dar 12:50 khan Lalpa hnenah min lo chawlhsan ta a ni.
REUBEN F. ZOTHANPUIA (K-49) VUINA PROGRAMME
A hun : Dt. 17.3.2015 (Tuesday) 12:00 Noon
Vuitu : Upa C. Vanlalauva
Thusawi :
1. Chhungkaw aiawh : - Pu F. Zothanmawia (An upa ber)
2. Synod Office atangin - Rev. Lalzuithanga, Senior Executive Secretary
Hla : ‘Lei lal puan ropui chu a tlawm ang’
Tawngtaisakna : Upa F. Thanghulha
Thlanmualah : Vuitu