April 25, 2025 (Zirtawpni) khan Presbyterian Bible School (PBS) chuan Batch 60-na pualin Farewell and Dedication Programme, Pi Zaii Hall, Synod Conference Centre, Mission Vengah an hmang.
Programme hi Rev. Lalengzika, Principal-in a kaihruai a, Rev. C. Lalduhawma, PBS Zirtirtuin report a pe a, Rev. R.C. Lalnghakliana, Synod Moderator-in zir chhuakte hnenah Certificate hlanin thuchah a sawi a, exam-a ti thate hnenah Upa Dr. Vanlalzara, Synod Statistician-in lawmman a hlan a, class kai kimte hnenah Upa Lalthianghlima, PBS Committee member-in lawmman a hlan a, Rev. Dr. Rosiamliana Tochhawng, Executive Secretary i/c PBS-in tawngtaisakna hun a hmang a, Pu C. Awithanga Award chu Rev. Lallianmawia Pachuau, PBS Committee member-in a hlan bawk.
PBS-ah hian a din tirh atangin tun thleng hian zirlai 2844 an awm tawh a, chung zinga 2374 chuan tha takin an pass tawh a. Tuna batch 60-naah hian zirlai 28 awmin zirlai 23-in tha takin an pass a, exam lo pakhat a awm.
Exam-a ti tha zual pathumte hnenah lawmman Rs.1000/-, Rs.700/-, Rs.500/- leh lawmpuina thuziak PBS Committee hminga hlan a ni a, chungte chu:-
1-na – Joseph Lalnuntluanga s/o F. Lalrawngbawli, BCM, Electric Veng Kohhran
2-na – Lalchhandama Fanai s/o Eddie Ramdinthara (L), Dam Veng Kohhran
3-na – Upa C. Lalchhuanliana s/o Kawlremsiama (L), Zemabawk North Kohhran te an ni.
Batch 60-na zirlai zingah hian class kai kim mi pali hnenah lawmman Rs. 500/- theuh hlan a ni.
Kum 2014 atangin Christian Theology subject leh Kohhran Inrelbawlna & PCI Danpui subject-a ti tha berte hnenah Pu C. Awithanga Award hlan thin a ni a. Batch 60-naah hian Kristian Theology subject-ah Joseph Lalnuntluanga leh Upa C. Lalchhuanliana ten an dawng a, Kohhran Inrelbawlna & PCI Danpui subject-ah Vanlalhmuaki leh Lalnunchami ten an dawng a ni. Award hian Rs.2000/- a keng tel a ni.
For more Pics Click Here