Vawiin (April 30, 2025) chawhma dar 10 khan Synod Ramthar Board meeting vawi 186-na chu J.M Lloyd Hall, Synod Office-ah an thu a, member 83 an kal.
Meeting hi Rev. R.C. Lalnghakliana, Synod Moderator-in a kaihruai a, hming lamna neih a nih hnuah Rev. R. Lalhmingsanga, Board Secretary-in report a pe. Report-ah hian Ramthar Board 185 leh 186 inkarah BEC vawi 2 thut a nih thu te, Bhutan rama thawktu intirh a nih thu te, Legal Awareness Seminar neih a nih thu te, SMB hnuaia thawktute awm hmun siam rem a nih thu te, contract missionary 50 lak a nih thu te, Upper Assam Mission Field hawn a nih thu te leh Karbi Anglong Mission Field Extension hawn a nih thu te tarlan a ni.
Tun tum meeting-ah hian thurel tura chhawpchhuah 10 a awm a, chung zingah chuan SMB behchhana missionary tirh chungchang te, Masihi Sangati Convention, pandal-a thlen chungchang te, Doctor of Ministry zir dilna chungchang te leh Tentmaking Missionary-a thawh chhunzawm dilna chungchang te chu a langsar zual a ni.
For more Pics Click Here