June 8, 2025 (Pathianni) hi Pentikos Ni a ni a. He Ni hi khawvel pumah Kristian te chuan urhsun takin an hmang thin a ni. Pentikos chu Grik tawng a ni a, 'Sawmngana' tihna a ni a. Thuthlung Hlui-ah chuan Kalhlen Kut tiak ni atanga ni sawmnganaah an hmang thin a, Thuthlung Thar hunah erawh chuan Isua Thawhleh tuk (Easter) atanga ni 50-naah hman a ni.
Vawiin hi Kohhran ni pawimawh a nih avangin kohhran hoten special programme-in an hmang dawn a, thupui inang tlang zir ho a ni ang:
Chawhma Inkhawm :
Thupui : Thlarau Thianghlim – sual hriattirtu
Chawhnu Inkhawm :
Thupui : Thlarau Thianghlim – Chhandamna kawnga hruaitu
Zan Inkhawm :
Thupui : Thlarau Thianghlim - felna kawnga hruaitu
Zan inkhawmah PCI General Assembly pualin tawngtai rual a ni ang a, zan Inkhawm thawhlawm pawh PCI General Assembly pual tur a ni ang a, thawhlawm lakkhawm te hi Bial Treasurer kaltlangin Synod Office-ah thehluh tur a ni.