June 7, 2025 (Inrinni) chawhma dar 10:30 khan Ramhlun North Kohhran Biak Inah FG&CC buatsaihin ‘Chhungkaw kehchhia zir chianna’ Seminar neih a ni a, Seminar-ah hian kohhran aiawh mi 416 an kal.
Seminar hi hun hniha then a ni a. Chawhma hun hi Rev. Lalfakzuala, FG&CC committee member-in a kaihruai a. Rev. Dr. K. Lallawmzuala, Executive Secretary i/c FG&CC-in Keynote Address a sawi a, chumi hnuah Resource person Upa Lalnunsiama Khalthangin, ‘Chhungkaw kehchhia zir chianna’ paper a buatsaih chu a present a ni, chawhma hunah hian Tv. Israela Pachuau a zai bawk.
Chawhnu hun hi Rev. C. Lalrintluanga, FG&CC committee member-in a kaihruai a, Rev. Lalthangpuia Fanai, Director, FG&CC-in report a pe a, chawhnuah hian sawihonaa hun hman a ni.
Tun tum Seminar hi Aizawl Hmar lam tana buatsaih a ni a, March 22, 2025 (Inrinni) khan Aizawl Chhim lam tan buatsaih a lo ni tawh bawk. FG&CC hian ‘Chhungkaw Kehchhia Zir Chianna’ Seminar hi District Capital hrang hrangah neih zel turin a ruahman a ni.
Kum 2023 Synod Inkhawmpuiin a lo rel tawh, ‘Chhungkaw Kehchhia kan pun zel loh nana hma lak rawtna’ bawhzuina kal zel a ni.
For more Pics Click Here