June 5-6, 2025 chhung khan Mizoram Christian College buatsaih “National Seminar on Breaking Barriers : Paradigm Shift in Socio - Political and Cultural Discourse of North East India” tih thupui hmangin Aijal Club-ah National Seminar ni hnih awh neih a ni. He Seminar-in a kawh tum ber chu - India hmar chhak ramte khawtlang nunphung, ram inrelbawlna leh an hnam ziate inher danglam dan zir chianna a ni.
A ni khatnaah hian Inaugural function-ah Rev. Dr. Lalchungnunga, MCC Principal hluiin Seminar hi tawngtaiin a hlan a, kal khawmte lawmna thuchah sawitu Principal, Upa Dr. Tawnenga chuan ram chhung leh pawn lam thlenga hlawkpui theih tur seminar standard sang tak, MCC faculty-te inpekna leh Seminar Organizing Committee-te thawhrimna zara a hlawhtling thei ta chu lawmawm a tih thu a sawi. Principal hian College chanchin leh hmalakna hrang hrangte sawiin, seminar tihlawhtling tura kal khawmte chu zirna huang atanga hmasawnna tha zawk thlentu ni zel turin a sawm bawk.
Keynote Speaker, Prof. Sajal Nag, Distinguished Professor, Royal Global University pawhin thupui pawimawh leh zir tham tak, inbuatsaihna tha tak nena MCC-in seminar an buatsaih chu lawmawm a tih thu a sawi.
Dr. Hannah Lalhlanpuii, Seminar Organizing Secretary chuan he seminar hi zirna huang chhung discipline hrang hrangten tangruala ram leh khawtlang tana thil pawimawh an zir chhuaha, an thawh ho theih nana buatsaih a nih thu a sawi a ni.
He seminar-ah hian Department hrang hrang atangin Research Scholars leh Faculty mi 67-in paper an present a, Mizoram pawna zirna In hrang hrang 10 chuang atangin an tel thei a, School hrang hrang atanga Panellist thlan chhuah mi parukten sawi hona hun an hmanpui bawk a ni.
Seminar ni hnihna hi Technical Session-a hman a ni a, parallel session nen hun sarih-ah then niin, a kharna atan Cultural Evening buatsaih a ni. Mizoram pawn atanga lo kalte pawhin he seminar hi an hlawkpui thu te, Mizo hnam zia leh khawtlang nun mawi an tih thu te, Mizote chu hnam hawihhawm leh ngainatawm tak nia an hriat thu te an sawi bawk a ni.
For more Pics Click Here