Vawiin (June 9,2025) khan NSS Programme Officer-te bultumin Synod Higher Secondary School chuan Civil Hospital tan School Multipurpose Hall-ah Blood Donation Camp an buatsaih.
Tun tumah hian thisen petu mipa 148 leh hmeichhia 73 an awm a, an vaiin mi 221 in thisen hi an pe a ni.
Kuminah hian kum dang aiin blood donation camp hi an buatsaih hma a, civil hospital blood bank-in thisen dahkhawl an neih tlem vangin thisen pek runpui hi buatsaih tura an ngen angin chawpchilh takin blood donation camp hi buatsaih a ni.
MSACS leh AVBD hian thisen pe thate hnenah kumtin chawimawina hun an hmang thin a, Higher Secondary School category bikah Synod HSS hian kum 2020-21 session atang khan kumtin a zawn zatin thisen pe tha ber chawimawina an dawng zat zat a , vawiina thisen petu zirlai, staff leh zirlai hlui zawng zawngte chungah lawmthu an sawi.
