Vawiin (June 15, 2025) hi Rualbanlote Ni a ni a. Synod chuan zan lam inkhawm atan thupui pakhat a ruahman a, tualchhung kohhranin remchang a tih angin chhun lamah emaw zan lamah emaw hman theih a ni.
Kum 1996 Synod Inkhawmpuiin Rualbanlote Ni hman tura a rel chu Synod Executive Committee-in a bawhzui a, June thla Pathianni vawi thumnaa hman turin a rel a ni. Kum 1998 atangin Nilai leh Beihrual Thupui Bu-ah telh a ni a. Lal Isua rawngbawlna chhunzawma rualbanlote kan ngaihsak zel theih nan Kohhranin he hun hi a hmang thin a ni.
Thupui : "Isua, rualbanlote lainata tidamtu"
Bible chhiar : Marka 1:40-45, 3:1-12