Kristian Thalai Pawl
August 1-3, 2025 chhung khan Zote Bial KTP Meet leh Leadership Training hmanpuiin committee member-te, Nl. F. Lallianzuali, Pu Lalrambuatsaiha leh T.Upa Lalremsiama Khiangte te an kal.
Social Front
August 1-3, 20205 chhung khan Awareness Campaign neiin campaigner-te hetiang hian an chhuak :
Phaikhuo Kohhran, Manikbond Bialah Upa R. Vanlalzauva
Saitual Kohhranah Upa Lallianmawia
N. Hlimen Bialah Dr. Robert S. Halliday
Champhai Vengthlang North Kohhranah Upa Prof. Laldinliana Varte
Kohhran Hmeichhia
August 2-3, 2025 chhung khan Leadership Training leh Kristian Chhungkaw Campaign nei turin Central Kohhran Hmeichhe Hruaitute hetiang hian an chhuak:
Thenzawl Bialah Pi Lalnghakliani, Pi P.C. Lalmalsawmi, Pi Lianhnuni leh Pi K. Lalrinpuii.
Sumsuih Bialah Pi Lalthansangi, Pi Vanlalchhuangi, Pi Lalbiaknungi Sailo leh Pi Lalthanzami.
Trust
August 6-7, 2025 chhung khan Silchar Pastor Quarters zirchiang leh Synod Transit Accommodation (STA) leh Missionary quarters sak mek enpuiin Pu Lalhriatrenga, JE leh Pu Kros Nuntluanga, JE te an kal.
PES
August 7, 2025 (Ningani) khan Champhai Zotlang PES Silver Jubilee lawmna hmanpuiin Upa PC Vanlalhruaia, Supervisor of Schools a kal.
Mizoram Christian College (MCC)
August 4, 2025 (Thawhtanni) khan College Devotion hunah ‘Zonun ze mawi inzirtirna’ hun hman a ni a. Zonun ze mawi chungchang hi K.C. Lalthansanga, Assistant Professor, Department of Mizo chuan thu sawiin zirlaite hriat tur zonun ze mawi pawimawh tak tak a sawi a ni. Hemi ni hian MCC thawktute leh zirlaite chu mizo thuam hrang hrangin an inthuam a ni.
August 6, 2025 (Nilaini) khan MCC thawktute pualin College-ah ‘NAAC Sensitization Workshop’ neih a ni a. Resource Person atan Dr. Vanlalmuana, Assistant Professor, Department of Commerce, Govt. Aizawl College chu hman a ni. Workshop-ah hian MCC-in NAAC a hmachhawn hun atana pawimawh hrang hrang zir ho a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Tualcheng khuaa damlo mi pahnih hnenah Rs.10,000/- ve ve, N. Vanlaiphai Venglaia damlo mi pahnih hnenah Rs.10,000/- ve ve, Falkland-a damlo mi pakhat hnenah Rs.10,000/-, Tlangnuam Vengthara khawsak harsa chhungkaw pakhat hnenah Rs.10,000/-, Vaitin khuaa khawsak harsa chhungkaw pakhat hnenah Rs.10,000/-, Tuikual North-a damlo mi pakhat hnenah Rs.10,000/-, Tuidam khuaa damlo mi pakhat hnenah Rs.10,000/- leh Champhai Dinthara damlo mi pakhat hnenah Rs.10,000/- pek a ni.
July thla chhunga harsatna hrang hrang tawkte hnena Synod Relief Fund atanga chhawmdawlna sem zat chu Rs.12,04,000/- a ni.