August 12, 2025 (Thawhlehni) khan National Librarian’s Day a nih angin Multipurpose Hall, College of Nursing, Synod Hospital, Durtlangah hun hman a ni.
National Librarian’s Day hi Father of Library Science tia vuah, Padma Shree Dr. S.R. Ranganathan (1892-1972) piancham hriatreng nan leh chawimawi nan India ram pumah lawm thin a ni.
He lawmna hun hi College of Nursing, Synod Hospital, Durtlang chuan an mahni College Multipurpose Hall-ah mithiamte sawmin hun an hmang a. Hun hmannaah hian Pu Z.D. Lalhmingliana’n hunserh a hmang a. College Principal Pi C. Lalrintluangi’n inlawmna thu a sawi a. College Librarian Dr. Lalbiaksanga Hnamte in Dr. S.R. Ranganathana chanchin sawiin Library report-a pe bawk. India ram President-in Award-a hlan, kumin 2025 -a National Florence Nightingale Award dawngtu Pi V. Lalhmangaihi, Nursing Officer, Civil Hospital chu sawm niin kalkhawmte fuihna thu a sawi. Librarian’s Day theme Developing Reading habits: an immediate need tih chu Dr. R. Lalengmawia, Librarian & HOD, Zoram Medical College & Hospital chuan sawiin zirho a ni. Zirlaite pawhin Item neiin Library pawimawhna lantirna Skit te an rawn entir bawk a, hlawk taka hun hman a ni.
Pi R.C. Lalrengpuii, Vice Principal-in mi sawm bikte lawmpuina hun a hman hnuah Asst. Professor Pi Vanlallawmtlingi’n lawmthu sawiin hun a khar a ni. He hunah hian College a thawktute, Hospital Nursing hotute, zirlaite leh Library-a lo thawk tawhte sawm an ni.
