August 12, 2025 (Thawhlehni) chawhnu dar 1:00 khan Synod Revival Committee ruahmannain Synod Revival Committee aiawh te leh Aizawla ministry kalpui te zinga sawm bik te, Synod Office Devotion hall-ah inkawm hona an nei.
Ministry te zingah hian Presbyterian Kohhran mi pawl sawmpahnih sawm an ni a, a kal remchang lo pawl pali tih loh chu an tel thei vek a ni. Revival Committee aiawhin Rev. V.L. Luaia Hranleh, Senior Executive Secretary leh Rev. JC Lalramliana, Director, Synod Revival te an tel.
Inkawm honaah hian ministry te rawngbawl dan tlangpui ngaihthlak a ni a. Tin, Revival lam atangin fuihna leh thahnemngaihna thu te bakah Kohhran te leh ministry-te inchawm tawn zawnga rawngbawlna kal pui zel dan tur lam hawi te sawi a ni.