September 18, 2025 (Ningani) khan BCM Headquarters Office, Serkawn-ah Council of Churches in Mizoram Executive Committee vawi 3-na neih a ni.
Meeting hi Rev. Dr. R. Lalbiakliana, President-in a kai hruai a, Rev. Dr. Lalhmangaih, General Secretary-in report tlangpui a pe. Report-ah hian society registration chungchangte, working committee hmalakna te, CCM Inkhawmpui thlengtu tur ruat chungchangte leh publicity chungchangte ngaihthlak a ni.
Meeting-ah hian CCM Office building sakna tur CCM special budget siam chungchang-te, ram pum huap programme siam chungchangte, CCM Women Assembly leh CCM Youth Assembly din chungchangte rel niin, working committee kutah dah ni se tih a ni. CCM in ruihhlo do kawngah hmalak ni se, hmalak dan tur hi working committee-in ruahmanna lo siam se, executive committee-ah en nawn leh ni se tih a ni. Heng bakah hian CCM Assembly Inkhawmpui vawi hnihna, October Pathianni hnunhnung ber, 2026-a neih tur chu BCM-in dawl se tih a ni bawk.
Council of Churches in Mizoram ( CCM ) hi October 27, 2024 (Pathianni) khân Mission Veng Kohhran Biak Inah din a ni a. Tuna member ni laite :
1) Mizoram Presbyterian Kohhran
2) Baptist Church of Mizoram
3) Evangelical Church of Maraland
4) Lairam Isua Krista Baptist Kohhran
5) Evangelical Free Church of India
6) Isua Krista Kohhran Bualpui
7) Independent Church of India
8) Wesleyan Methodist Church of Mizoram
9) Zomi Baptist Church