Mizoram Christian College (MCC)
September 15 – 19, 2025 chhung khan College Week vawi 5-na an hmang a. College Week hi hmun hrang hrang – Vaivakawn Cultural Centre/Auditorium, Electric Veng Indoor Stadium, Armed Veng Community Centre, Chite Football Ground leh Dawrpui Multipurpose Hall-ah te an hmang a, zirlaite chuan Indoor leh Outdoor Sports Discipline hrang hrang hmangin intihsiakna an nei a ni. College Miss leh Mister thlanna pawh neih a ni a, Miss MCC 2025 atan Lalremsangi, 1st Semester, Department of English chu thlan a ni a; Mister MCC 2025 atan Lalremzauva, 1st Semester, Department of Management chu thlan a ni bawk.
Chhim bial Report
September 18, 2025 (Ningani) khan Chhim Bial Committee neih a ni a, Headquarters atangin mi 6 leh chhim bial aiawh te an thu khawm thei a, Mizoram Synod chhim bial hmalakna tur hrang hrangte ngaihtuah a ni. Hemi zan hian Synod hruaitute Lunglei khawchhunga kohhran hrang hrangah insem darhin Rev. R.C. Lalnghakliana, Moderator-in Lunglei Ramtha Kohhranah hun a hmang a, Rev. V.L. Luaia Hranleh, Senior Executive Secretary-in Lunglei Venglaiah hun a hmang a, Rev. Dr. K. Lallawmzuala, Executive Secretary i/c Hospital-in Lunglei Bazar Veng Kohhranah hun a hmang a ni.
Synod Office Lunglei Staff Welfare chuan vawiin 25.9.25 (Ningani) hian Faina Hapta puala hnatlang neiin Synod Mission Centre leh Synod Office te tihfai a ni a, Office Staff bakah Masihi Sangati Evangelist te leh Lunglei Masihi Sangati Gospel Team te an thawkchhuak a ni.
