Mizoram Synod hnuaia Inkhawmpui lian ber dawttu Presbytery Inkhawmpui chu October 9-12, 2025 chhung hian Mizoram chhung leh pawn hmun hrang hrangah neih a ni ang.
Vawiin (Oct. 9, 2025)-ah Nomination Committee, Finance Committee leh Sub - Pastoral Committee an thu ang a, Kohhran Upa thlan tharte Exam buatsaih a ni ang a, zan inkhawmah Palai lawmna leh Pastor Bial Report ngaihthlak a ni ang.
October 10&11, 2025 (Zirtawpni leh Inrinni) hian Rorel Inkhawm neih a ni ang a (Presbytery thenkhat chu Inrinni chauha Rorel an awm bawk), zan lamah vantlang Pathian biak Inkhawm neih a ni ang. October 12, 2025 (Pathianni) chawhmaah Upa Nemngheh Inkhawm a ni ang a, chawhnuah Lalpa Zanriah Sakramen leh Upa thite sunna inkhawm a awm ang a, zanah Presbytery Moderator kalchhuakten Valedictory Sermon an sawi ang.
Presbytery Inkhawmpui hmanpui turin Synod Puipate hetiang hian an chhuak ang:
1. Rev. R.C. Lalnghakliana, Moderator - Tuivai Presbytery
2. Upa Vanlalsawma Siakeng, Secretary (Sr) - Dampa Presbytery
3. Rev. B. Zohmangaiha, Secretary (Jr) - Khawthlang Tuipui Presbytery
4. Rev. Dr. K. Lallawmzuala, Finance Officer - Champhai North Presbytery
5. Rev. Vanlalzuata, Finance Officer - Tawi Presbytery
6. Upa Dr. Vanlalzara, Statistician - Kolasib Presbytery
7. Rev. V. L. Luaia Hranleh, Senior Executive Secretary - Tuipuiral Presbytery
8. Rev. Dr. Rosiamliana Tochhawng, Executive Secretary - Chhawrpial Presbytery