Mizoram Christian College (MCC)
October 6, 2025 (Thawhtanni) khan Devotion hunah Mizoram Christian College din champha pualin hun hman a ni a. Dr. Benjamin Lalfakzuala, Vice Principal hnen atangin MCC lo din chhoh dan te, a thiltum te leh zirlaite hriat tur pawimawh tak tak bakah fuihna thu tha tak a sawi a. Zirlaite atangin Special Item neih a ni a, LESDE UPSC Challenge Inter-College Quiz Competition 2025-a MCC pakhatna nihpuitu zirlai pahnihte hnenah lawmpuina hlan a ni bawk. He hunah hian Pathian hnena lawmthu sawi tawngtai rualna hun hman a ni a, Upa Dr. Tawnenga, Principal-in tawngtaiin hun tawp a khar a ni. Kumin hian Mizoram Christian College din champha October 5 hi Pathianni a nih avangin a ni takah hman theih a ni lo va, October 6 (Thawhtanni)-ah a lawmna hun hman a ni.
October 6, 2025 (Thawhtanni) khan MCC English Department chuan Mizoram University hnuaia Under Graduate Programme pakhat 5th Semester zirlaite tan Internship neiin hun an hmang a. He hunah hian zirlaite chu mi pasarih ve vein group hnihah then an ni a, group khatnate hian Mizoram Legislative Assembly Library-ah hun an hmang a, group hnihnate hian Mizoram State Central Library-ah hun an hmang. He Internship Programme hi ni 10 chhung neih tur a ni.
October 3-4, 2025 chhung khan MCC Mizo Department, 5th Semester zirlaite leh zirtirtute chuan Field Project & Off Campus class neiin Phulpui leh Tachhip khuaah hun an hmang. Zirlaite hi Team hniha inthenin – Phulpui lama kalte hian Phulpui YMA-te interview neihpuiin Zawlpala thlan tlâng History an chhui a. Tachhip lama kalte hian Tachhipa Kaphleia thlanah kalin Kaphleia chanchin hriate interview an neihpui a ni. Zanah lamah Off Campus class neiin; Dr. Vanzarmawii, (Ph.D in Astrophysics) Arsi lam chanchin zir miin hun a hmanpui a, Phulpui tlang chhipah Arsi en pahin Arsi chanchin leh Mizote Arsi hriat dante a sawi a, sawi hona hun an hmang bawk.
October 6, 2025 (Thawhtanni) khan MCC Sociology Department chuan Mizoram University hnuaia Under Graduate Programme pakhat 5th Semester zirlaite tan Community Outreach neiin hun an hmang. He hunah hian zirlaite chu group thumah then an ni a, group khatnate hian Hmangaihna In, Durtlang-ah hun an hmang a, group hnihnate hian Hermon Children’s Home, Durtlang Leitan-ah hun an hmang a, group thumnate hian Synod Rescue Home, Durtlang Leitan-ah hun an hmang. He Community Outreach Programme hi zirlaiten khawtlang tana an mawhphurhna hrang hrangte an hriat theih nana tih a ni a, October 17, 2025 (Zirtawpni) thleng neih a ni ang.
October 6, 2025 (Thawhtanni) khan Mizoram Christian College NSS Unit bultumin College-ah ‘Voluntary Blood Donation Camp’ neih a ni a, Civil Hospital, Aizawl Blood Bank tan thisen pek a ni. He hunah hian thisen Unit 81 pek a ni a, mipa 72 leh hmeichhia 9 ten thisen an pe thei a ni.
Presbyterian English School (PES)
October 7, 2025 (Thawhlehni) khan Presbyterian English School buatsaihin West Phaileng leh a chhehvela PES hrang hrang – West Phaileng Dinthar PES, West Phaileng Chhimveng PES, Kawnmawi PES, Lallen PES leh Phuldungsei PES te tan Teachers’ One Day Training Programme, West Phaileng Chhimveng Kohhran Hall-ah neih a ni a, he hun hi Office atangin Nl. Lawmsangzuali, O/A leh Resource Person-te, Upa Lalthanzama leh Rev. Malsawmdawngliana ten an hmanpui.
Programme hi hun thumah then a ni a, hun khatna hi Rev. Malsawmsangzuala, West Phaileng bialtu Pastor-in a kaihruai a, Resource Person Rev. Malsawmdawngliana hnen atangin ‘Zirtirtu mawhphurhna thenkhatte’ tih thupui ngaihthlak a ni a, hun hnihnaah ‘Classroom Management’ tih thupui Resource Person Upa Lalthanzama hnen atangin ngaihthlak a ni a, hun thumna hi Rev. Malsawmdawngliana’n a kaihruai a, hemi hunah hian thupui hrang hrang zir ho atangin sawi hona bakah zawhna leh chhanna hun hman a ni.
Tun dinhmunah PES hnuaiah School 172 an awm a. Zirlai 35,741 an awm a, zirtirtu leh thawktu dang 2,230 an awm mek a ni. West Phaileng leh a chhehvel PES hrang hrangah hian zirlai 837 an awm a, thawktu 54 an awm a ni. (insert pic..pes 1,2,3)
Trust
October 3, 2025 (Zirtawpni) khan Khawhai North Pastor Quarters thawm that ngai en felin Tv. V. Lalhlimpuia, J.E a kal.
Social Front
October 4-5, 2025 chhung khan Awareness leh Campaign neiin campaigner-te hetiang hian an chhuak:
Phullen Bialah Rev. Dr. K. Lalchhuanawma & Upa S.R. Thanghmingliana
Aibawk Bialah Rev. Dr. Lalrokhuma, Upa Lallianmawia leh Dr. Robert S. Halliday
ITI Veng Kohhranah Rev. Zosangliana Colney & Rev. V.L. Krosschhuanmawia
Falkland East Kohhranah Rev. H. Lalbiakhluna, te an kal.
Kohhran Hmeichhia
October 2, 2025 (Ningani) khan Zonuam Bialah Leadership Training neihpuiin Dr. Lalthansangi Fanai leh Pi H.C. Lalfakawmi te an kal.
October 4-5, 2025 chhung khan Lunglei Venglai Bialah Leadership Training leh Kristian Chhungkaw Campaign neiin Nl. H. Vanlalruati, Pi Zodinpuii, Pi H. Lalthasiami leh Pi Lalnghakliani te an kal.
October 4-5, 2025 chhung khan Bungtlang Bialah Buhfaitham leh Kristian Chhungkaw Seminar neiin Pi Lalthansangi, Pi Zohmingliani, Pi R. Tlanghmingthangi leh Pi Lalrokimi te an kal.
Prison Ministry
October 4-5, 2025 chhung khan Serchhip District Jail tlawhin Rev. Lalhleia, Director leh Committee Member-te, Rev. Malsawmtluanga, Rev. Lallianmawia Pachuau, Rev. T.C Laltlanzova, Rev. Benny Lalmawia leh Upa Chawngsailova te an kal.
SL&PB
October 3-5, 2025 chhung khan N. Vanlalphai Venglai Kohhranah Literature Campaign neiin Rev. P.B. Zosapthara, Editor leh Pu Zohmangaiha, Asst. Editor te an kal.
October 7, 2025 (Pathianni) chawhnu leh zan khan Literature campaign-in Salem Veng Kohhranah Pi Rinsailovi, Joint Editor leh Rev. Dr. KM Vanlalpeka te an kal. 
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Hmunpui Kohhran leimin dawlna atan Rs.50,000/-, Sateek khuaa damlo mi pahnih hnenah Rs.10,000/- ve ve, Lungpho khuaa damlo mi pakhat hnenah Rs.10,000/-, Rawpui khuaa damlo mi pakhat hnenah Rs.10,000/-, Tlangnuam West-a damlo mi pakhat hnenah Rs.10,000/-, Tuikuala damlo mi pakhat hnenah Rs.10,000/-, Tlangnuam Vengthara khawsak harsa chhungkaw pakhat hnenah Rs.10,000/- leh Saitual Chhim Venga damlo mi pakhat hnenah Rs.10,000/- pek a ni.