Vawiin (Oct. 20,2025) chawhma dar 10 khan Synod Pension & Provident Fund (PPF) Board Meeting vawi 240-na, Committee Room-1, Synod Office-ah an thu.
Meeting hi Rev. R.C Lalnghakliana, Synod Moderator-in a kaihruai a, Upa R. Lalramchhana, PPF Board Secretary-in report a pe a, Upa Rochungchunga, PPF Board Treasurer-in sum report hrang hrang a pe bawk. Report atanga a lan danin PPF zawmtu member thawk lai mi pali thi an awm a, pensioner mi pasarih thi leh family pension la thi mi pakhat an awm a, family pension la thar mi pariat an awm bawk. Tun dinhmunah PPF hnuaia pension hlawh la mek hi mi 762 (Pensioner - 612 & Family pension - 150) an ni. September 15, 2025 thlenga Synod hnuaia thawk PPF zawmtu hi mi 1,033 an awm a, kum 2015 leh a hnu lama thawktute tan Synod New Pension dan zawmtu (regular & contract) hi mi 2026 an awm thung a ni.
Meeting-ah hian kum 2026-2027 budget ruahmanna thlir ho a ni a, Synod Pensioner-te lawmman enthat chungchang (SEC 314:10) te, Commute dilna te leh UTI leh NIPPON mutual fund atanga lehkha hmuh te an ngaihtuah a ni.
For more Pics Click Here