Vawiin (Nov. 5, 2025) chawhma dar 10:00 khan Synod Worship Committee vawi 15-na chu J.M. Lloyd Hall, Synod Office-ah an thu a, meeting hi Rev. R.C. Lalnghakliana, Moderator-in a kaihruai a, Secretary Rev. Dr. Rosiamliana Tochhawng-in report a pe.
Report-ah hian November 6, 2024 atanga November 5, 2025 inkar chhunga Bial leh Kohhran hrang hrang 47-a Worship Seminar leh training neih a nih thu te, August 18-21, 2025 chhunga Residential Choir Conductors’ training neih a nih thu te, Kristian Hla Bu ennawn chungchang te, Pathian Biak inkhawm Hruaina Bu en that mek a nih thu te, Mizo Kristian Lengkhawm Hla Audio-a dah tura ruahman chu a thawh khatna zawh a nih tawh thu te leh Naupang Hla Bu ennawn mek a nih thu te tarlan a ni.
Tun tumah hian thurel tura chhawpchhuah pasarih a awm a, chung zingah chuan kum 2029 Nilai leh Beihrual Thupui, Thupui ziaktu leh Lesson Plan siamtu chungchang te, Nilai leh Beihrual Thupui Ziah Kaihhruaina chungchang te, Kristian Hla thar Bu ennawn rawtna te, Synod Worship inkaihhruaina en that chungchang te leh 2026-2027 budget te chu a langsar te zual an ni.
For more Pics Click Here