Nimin (Dec. 3, 2025) chawhnu dar 3:00 khan Synod Hospital Pi Puii In hnuai berah Community Patient ward thar chu Exe. Secy. i/c Hospital Rev. Dr. K. Lallawmzuala chuan Pathian hnenah hlanin a hawng.
Community Patient ward thar hi khum 10 awm theihna tura buatsaih a ni a. Eye camp damlote awmna tur niin Mission for Vision, Mumbai leh Kewal Ramani Family, Singapore ten an thawh khawm Rs.10,27,300/- senga sak a ni.
Vawiin (Dec. 4, 2025) chawhma dar 10:00 khan Orbis country Director Dr. Rishi Raj Borah chuan Green Vision Centre, Reiek-ah a hawng a, Rev. H. Zathuama, Reiek Bialtu Pastor chuan Pathian hnena hlanna hun a hmang a ni.
Hawn a nih hnu atang hian mit entirna hun hman chhun zawm nghal a ni. Solar pannel dah niin power supply khaihlak thu ah pawh buaina awmlo tura thuam a ni. Green Vision Centre hi John Williams Hospital Lunglei-ah pawh din tan nghal niin Green Vision Center hi Tele-ophthalmic vision center a ni a, Orbis International leh Mizoram Synod thawhhona in kum 3 chhung atana Project siam a ni. Damloten hmunpui pan ngai kher lovin GVC-ah kalin Synod Hospital Doctor ten hmun leh hmuna en ang maiin damlo an enin damdawi pawh a tul angin an chawh thei dawn a ni. Teleopthalmic hmanrua hman niin Mizoram-a awmchhun a ni.