December 18, 2025 (Ningani) zan dar 7 khan Youth Recreation Centre (YRC), Falkland-ah Synfo leh Central KTP buatsaih Kristian Film Insiamsiak 2025 (Ruihhlo dona kawng lam hawi) result puan leh lawmman sem a ni a, lawmman pakhatna dawngtu chu Thingsulthliah Kohhran (Khaidiat) a ni.
Programme-ah hian Rev. Dr. Rosiamliana Tochhawng, Executive Secretary-in hunserh a hmang a. Pu Lalniliana, Coordinator, Synfo-in Report pein inhmelhriattirna a nei a, Judge aiawhin Upa Johny Lalawmpuia'n thu a sawi a, Armed Veng Branch KTP-in Faklam an en tir a, Mizoram Synod Choir te an zai bawk. Hemi hunah hian lawmman pakhatna Khaidiat film chu en ho a ni bawk. Programme hi Nl. H. Lalrinpuii, Tuikual Branch KTP-in a host a ni.
Lawmman dawngtute chu:
1. Thingsualthliah Kohhran - Khaidiat
2. Champhai Vengthlang Kohhran - Zan khat
3. Mission Veng Kohhran - Mama Hringnun Diary
Best Actor - F. Zosangliana, Champhai Vengthlang
Best Actress - Mimi C. Rinpuii, Mission Veng
Best Supporting Actor - P.C. Vanlalrinpuia, Zemabawk
Best Supporting Actress - Jubilee Ramthianghlimi, Champhai Venglai
Lawmman Pakhatna hian Rs. 1,00,000, Pahnihna Rs. 70,000, Pathumna Rs. 60,000 leh Citation an dawng a ni. Heng bakah hian Kohhran pasarihin Consolation Prize Rs. 10,000 theuh an dawng a, intihsiaka tel zawng zawngten Memento an dawng vek bawk. Kristian Film insiamsiakah hian kohhran 25 an tel a ni.
Consolation Prize dawngtute :
1. Tuahzawl - A la tlai lo
2. Champhai Venglai - Mama
3. Hermon, Khawzawl - Talhfiak aia thiltithei
4. Lungsir, Mamit - Thihna ata Nunna
5. Tuikual South - Ka Fa I ni si a
6. Zemabawk - Thihna Tur
7. Zonuam East - Bahhnukte
Kristian Film hrang hrangte hi Synfo Youtube Channel - Synod Information-ah dah vek a ni a, a duh tan en theih a ni ang.
Kristian Film Insiamsiak 2025 Result puan Pic
https://drive.google.com/drive/folders/1ACcbnB2QDse-5uYPrQxPjc27qxU7IijS?usp=sharing