Vawiin (Jan. 20, 2026) chhun dar 12 khan Women Centre, Phunchawnga Puan thui zir tur 2026 Batch hawnna inkhawm neih a ni.
Programme hi Pi Vanlalthlamuani, Vice Chairman-in a kaihruai a. Nl. H. Vanlalruati, General Secretary-in inhmelhriattirna hun a hmang a, Pi R. Lalrinpuii, Women Centre Superintendent-in Hostel Rules chungchang inhriattirna hun a hmang a, Rev. Dr. K. Lallawmzuala, Executive Secretary i/c Kohhran Hmeichhiain zir turte fuihna hun a hmang a ni.
Women Centre-a puan thui zir tur te hi zirlai 50 an ni a, zir hun chhung hi kum khat a ni. Kohhran Hmeichhe Rorel Inkhawmin a rel angin kum 2024 atangin Puan thui zirchhuakte hi puan thui khawl pek thin an ni. Women Centre-ah hian Superintendent pakhat, zirtirtu pahnih leh staff pathum, an vaiin thawktu paruk an awm mek a ni.
Women Centre hi Kohhran Hmeichhe enkawl a ni a, hmeichhe dinhmun harsa leh khawsakna lama tanpui ngaite chawi kanna atana din a ni a. Kum 2016 atang khan Puanthui zirna tan a ni a, mi eng emaw zatin an zir chhuak tawh a, kum 2017 atangin Puantah zirna tih belh niin, mi eng emaw zatin an zir chhuak tawh bawk.
For more Pics Click Here