Bial Kohhran Hmeichhe Inkhawmpui 2026
February 6-8, 2026 chhung hian Bial hrang hrangah Kohhran Hmeichhe Inkhawmpui neih a ni ang. February 6 (Zirtawpni) zanah Palai lawm leh report inkhawm a awm ang a, inrinni nilengin Rorel a ni ang a, zanah vantlang Pathian Biak inkhawm a awm ang. Pathianni chawhma, chawhnu leh zanah Inkhawmpui hi chhunzawm a ni ang.
Inkhawmpui hman dan tur hi Bial Hmeichhe Committee-in ngaihtuahin a remchan dan anga hman thin a ni a, chuvang chuan bial hrang hranga inkhawmpui hman dan pawh a inang vek lo va, Bial thenkhatah thupui thlan bik neiin speaker ten an sawi thin a, bial thenkhatah chuan bial hruaituten an insawi chhawk chang pawh a awm thin. Kristian Chhungkua leh Buhfaithama inelna lawmman hrang hrang sem thin a ni bawk.
Bial Kohhran hmeichhe inkhawmpui hmanpuiin Central Committee member-te hmun hrang hrangah an kal.
Report hnuhnung bera a lan danin tun dinhmunah Kohhran Hmeichhe member ram pumah 2,03,840 an awm mek a ni.
Worship
January 28-31, 2026 chhung khan Khuangleng Bial leh Farkawn Bialah Music Training neihpuiin Tv. H. Lalthazuala, Music Instructor leh Pu V.L. Ramdina, Music Trainer te an kal.
Finance
January 30, 2026 (Zirtawpni) zan khan Durtlang Kohhranah Sum Vawn Dan Training neihpuiin thawktute, Pu Zaihmingthanga Fanai, Accountant, Upa Kailianmanga, Pu Clayton Malsawmkima leh Tv. PC Vanlalruata te an kal.
January 31, 2026 (Inrinni) zan khan Tuirial Kohhranah Finance Campaign neiin Upa PC Vanlalrova, Campaigner a kal.
PES
February 3, 2026 (Thawhlehni) khan Hnahthial PES tlawhin Rev. Dr. Rosiamliana Tochhawng, Executive Secretary i/c PES, Upa PC Vanlalhruaia, Supervisor of Schools leh Upa Lalthanzama, Sub-committee member te an kal.
Chakma Christian Fellowship thar hawng
February 1, 2026 (Pathianni) chhun dar 12:30 khan Khatla North Kohhran Intermediate Department room-ah Chakma Christian Fellowship thar hawn a ni. Hawnna inkhawm hi Pi Saithangpuii Sailo (Chakma Fellowship enkawl tura rawih)-in a kaihruai a, Upa Vanrammawia, Khatla North Kohhranin Fellowship hi Pathian hnenah a hlanna a, Tv. C. Lalthlamuana, Evangelist-in inhmelhriattirna neiin Pu B. Lalringliana, Mission Promoter-in Report a pe a, Pu K. Laldawngliana, Mission Promoter-in Pathian thuchah a sawi. He hunah hian Aizawl veng hrang hrang atangin Chakma Kristian mi 12 bakah Khatla North Kohhran Upa pali, Masihi Sangati Evangelist pakhat, Missionary Pensioner pakhat leh Model Veng Kohhran Pavalai Pawl atangin an tawiawm a ni.
Chakma Christian Fellowship hi Khawthlangtuipui Presbytery Inkhawmpui atanga rawtna "Chakma Christian Fellowship Aizawlah din ni rawh se" tih chu Ramthar Board Committee chuan Board Executive Committee (BEC) kutah a dah a, BEC chuan bawhzui zelin Chakma Christian Fellowship chu din a ni ta a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Kepran khuaa damlo mi pahnih hnenah Rs.10,000/- ve ve, Mamita damlo mi pakhat hnenah Rs.10,000/-, West Phailenga damlo mi pakhat hnenah Rs.10,000/- leh Rangvamuala damlo mi pakhat hnenah Rs.10,000/- pek a ni.