Vawiin (Feb. 12, 2026) chawhma dar 10 khan J.M. Lloyd Hall, Synod Office-ah Synod Finance Committee vawi 157-na an thu.
Meeting hi Synod Moderator, Rev. John Raldosanga’n a kaihruai a, Rev. Dr. K. Lallawmzuala, Finance Officer-in report a pe. Report-ah hian Bial leh Kohhran hrang hrangah Finance Campaign leh Account Training neih a nih thu te, FCRA Account-a pawisa dawn pek chhuah a nih thu te, Income Tax chungchanga Income Tax Sub-committee hmalakna te leh April 2025 - January 2026 chhunga sum dinhmun te tarlan a ni.
Tun tumah hian thurel tura chhawpchhuah 9 a awm a, chung zingah chuan sum hman dilna chungchang te, budget hman khum dilna chungchang te, Synod PAN card hman chungchang te leh 2025-2026 chhunga Synod Sum audit-tu tur Chartered Accountant ruat chungchang te chu a langsar zual te an ni.
For more Pics Click Here