Synod Revival Speaker-te tana buatsaih Intuaitharna chu February 17-20, 2026 chhung khan Synod Conference Centre, Mission Vengah riakluta neih a ni.
Intuaitharna programme hi February 17, 2026 (Thawhlehni) tlai dar 3:30 khan hawnna inkhawm neih a ni a, Synod Moderator Rev. John Raldosanga’n Keynote Address a sawi a, hemi hunah hian Kulikawn Bial Zaipawl leh Nl. Lalremruati te an zai a ni.
Intuaitharna hun an hman chhung hian Revival Speaker-ten an rawngbawl zelna tur atana pawimawh thupui chi hrang hrang mi thiam ten an zirtir thin a, thupui zir ho bakah sawi hona neih thin a ni bawk.
February 19, 2026 (Ningani) zanah kharna inkhawm neih a ni a, Rev. V.L. Luaia Hranleh, Senior Executive Secretary-in thu a sawi a, Seraphic Choir te an zai bawk. Revival Speaker-te hi February 20 (Zirtawpni) tukthuan ei kham khan an chhuak a ni.
Tun dinhmunah Synod Revival Speaker 60 (mipa 58 leh hmeichhia 2) an awm mek a, harsatna dang a awm a nih loh chuan Synod Revival Speaker-te puala riak luta Intuaitharna hun hi kum tin neih thin a ni.
For more Pics Click Here