Vawiin (Feb. 19, 2026) khan Synod Office, Devotion Hall-ah Presbyterian Pastor Pension Fellowship (PPPF) ten Annual General Meeting an hmang. Programme hi hun hnihah thenin, chawhma leh chawhnuah te hun hman a ni.
Chawhma hun hi Rev. Dr. C. Rosiama, PPPF Chairman-in a kaihruai a. Rev. Darkhuma, PPPF Member-in hunserh a hmang a. Rorel a ni a, Secretary report, Treasurer report leh Audit report ngaihthlak a ni a, Hruaitu thar thlanna neih a ni. Chawhma hunah hian an member chatuan ram pan mi 8 sunna leh member thar 10 lawmna neih a ni bawk.
Chawhnu hun hi Rev. Dr. Zaihmingthanga, PPPF Vice Chairman-in a kaihruai a, Rev. Zosangliana Colney ziah ‘Kan rama hnam dang lo lut pung zel dawnsawn dan tur’ tih thupui chu zir ho a ni a, hun tawpah Rev. Dr. R. Lalbiakmawia, PPPF Asst. Secretary-in lawmthu a sawi a ni.
Presbyterian Pastor Pension Fellowship-ah hian Pastor pension apiang an tel zel a. Kum tinin intawhkhawm hi an nei thin a, infuih tharna leh inpawh tlanna hun hlimawm tak an hmang thin a ni.