May 5, 2026 (Thawhlehni) chawhma dar 10 khan J.M. Lloyd Hall, Synod Office-ah Synod Hospital Board vawi 154–na an thu.
Thut khawm hi Rev. John Raldosanga, Synod Moderator-in a kaihruai a, Dr. R.L. Sanghluna, Secretary-in report a pe. Report-ah hian thawktu hrang hrang kaisang leh dah ngheh an awm thu te, Mission for Vision atanga Motor dawn a nih thu te, thawktute leh zirlaite puala retreat neih a nih thu te, Hospital Building thar sak tur chungchang te, sum hmuh leh hmanna endik (Audit) zawh a nih thu te, B.Sc Nursing VI Semester zirlaite Mental Health Posting cum Educational Tour-a CMC Vellore-a an kal thu te leh April 2026 chhunga Kohhran, mimal, thianho leh pawl hrang hrang atanga Hospital Charity Fund ` 8,07,712 dawn a nih thu te tarlan a ni.
Tun tum thut khawmah hian thu rel tura chhawpchhuah paruk a awm a ni.
March 2026 chhung khan damlo mi 1,534 admit an ni a, nau piang 148 awmin mitthi hi 22 an awm thung a ni. Hospital OPD, Dr. Fraser's Clinic leh Mobile Clinic-a inentir hi an vaiin mi 8,963 an ni.
For more Pic Click Here