Vawiin (May 7, 2026) chawhma dar 10 khan J.M. Lloyd Hall-ah Synod Social Front Committee vawi 203–na an thu.
Thut khawm hi Rev. John Raldosanga, Synod Moderator-in a kaihruai a, Rev. Dr. K. Lallawmzuala, Executive Secretary i/c Social Front-in Secretary report a pe.
Report-ah hian Social Front Department-a thawktu awmna siamrem leh kaisang an awm thu te, Synod Rescue Home, Durtlanga Director thar dah a nih thu te, Residential Construction Supervisor Training neih a nih thu te, Dan lova sumdawng tihrêm dan kawng zawn chungchanga Synod thurel bawhzui a nih dan te, Jordan Centre, Sethawn tlawh a nih thu te leh November 2025 atanga April 2026 inkar chhunga Bial leh Kohhran hrang hranga Awareness Campaign neih a nih thu te tarlan a ni.
Tun tum thut khawmah hian thurel tura chhawpchhuah paruk a awm a, chung zingah chuan Synod Social Front Society Dan Bu buatsaih chungchang te, Jordan Centre, Sethawn kalpui dan tur chungchang te leh Synod thurel hrang hrang bawhzui tur te a tel a ni.
For more Pics Click Here