Vawiin (May 8, 2026) khan Mizoram Presbyterian Kohhran hnuaia Bial Treasurer pualin Training, Mission Vengthlang Kohhran Golden Jubilee Hall-ah neih a ni a, Bial hrang hrang atangin Bial Treasurer 115 an kal.
Training hi hun hnihah then a ni a, hun khatna hi Upa F. Lalhmangaiha, Finance Manager, Synod Office-in a kaihruai a, Rev. V.L. Luaia Hranleh, Senior Executive Secretary i/c Finance-in hunserh hmangin, Synod Sum vawn chungchanga Bial Treasurer-te mawhphurhna hrang hrangte leh fuihna thu a sawi a ni. Chawhma hunah hian Pu Zaihmingthanga Fanai, Accountant-in Power Point hmangin Synod Sum vawn dan leh a kaihhnawih chungchang training a pe a. Chawhnu lamah Upa Kailianmanga, i/c Income tax-in tunlai thil thar leh MPC PAN hman chungchang a sawi a ni.
Chawhma leh chawhnuah hunah hian sawi hona leh, zawhna leh chhanna hun te hman a ni bawk. Hun tawpah Rev. John Raldosanga, Synod Moderator-in lawmthu a sawi a, tawngtaiin training hi a khar a ni.
Tun tum Bial Treasurer pual training hi a tum li-na a ni a, training-ah hian Bial sum vawngtute tana tangkai tur leh hriattur pawimawh hrang hrangte mi thiamten an zirtir thin a ni.
For more Pics Click Here