May 13&14, 2026 chhung hian Synod Finance Committee vawi 158-na chu J.M. Lloyd Hall, Synod Office-ah an thukhawm a. Tun tum thut khawmah hian member 54 an tel thei a ni.
Thut khawm hi Rev. John Raldosanga, Synod Moderator-in a kaihruai a, Rev. Dr. K. Lallawmzuala, Finance Officer-in Secretary report leh Finance report a pe. Report-ah hian Synod Office leh Department hrang hrang leh Mission Field-te Audit hna tluang taka zawh a nih thu te, Bial leh Kohhran hrang hrangah Finance Campaign leh Account Training neih a nih thu te, May 8, 2026-ah Bial Treasurer-te pual training neih a nih thu te leh April 2025-March 2026 chhunga sum dinhmun te tarlan a ni.
Tun tumah hian thu ngaihtuah tura chhawpchhuah panga a awm a, chung zingah chuan Reserved Fund dah chungchang te, Synod Sum Vawn Dan 2020 enthat chungchang a tel a ni.
For more pics Click Here