May 14, 2026 (Ningani) zan dar 7 khan Synod Mission Centre, Lungleiah kum 2026 - 2028 atana Presbyterian Choir Member ruat tharte hlanna inkhawm neih a ni.
Inkhawm hi Rev. Michael Lalchhuanawma, Pastor i/c Lunglei Bazar Veng Bialin a kaihhruai a. Pu K. Lalchhanhima, Secretary, Presbyterian Choir Committee-in inhmelhriattirna neiin Report a pe. Presbyterian Choir Director leh Conductor-ten thu an sawi a, Administrative Secretary Rev. H. Lalhmingmawia’n fuihna thu tawi sawiin zaipawl Member ruat tharte hi tawngtaiin a hlan a ni. He hunah hian Presbyerian Choir 2024-2026 leh Nl. Jenifer Lalrinpuii te an zai a ni. Kum 2026-2028 atana Presbyterian Choir Member ruat tharte hi mipa 12 leh hmeichhia 12 an ni a, Lunglei khawpui chhung Pastor Bial pathum atanga thlan an ni.
Presbyterian Choir hi chhim bial lama rawngbawltu pawimawh tak a nih bakah, Synod hnuaia inkhawmpui hrang hrangah zai tura ruat an ni thin a. SEC 214-naa alan dan chuan Kohhran sawhnghehna leh rawngbawlna tul bikna a awm avangin Presbyterian Choir hi kum 2017 khan din a ni.
