Worship
May 14-16, 2026 chhung khan Vocal Training leh Zai hruaitu Training neihpuiin trainer–te hetiang hian an chhuak:
Keitum Bialah Tv. H. Lalthazuala leh Pu K. Lalhmangaihzuala
N. Vanlaiphai Kohhranah Tv. Samuel VL Hruaitluanga leh Upa Lalhmingliana Hlawndo
May 23, 2026 (Inrinni) khan Muallungthu Bialah Conductors Training neihpuiin Tv. H. Lalthazuala, Instructor leh Pu K. Lalhmangaihzuala, Trainer te an kal.
Trust
May 22, 2026 (Inrinni) khan Saipum Pastor Quarters thawm that ngai en felin Pu Lalramenga Royte, JE a kal.
PES
May 26, 2026 (Thawhlehni) khan Keifang PES-in an School HSLC Result 2026 Felicitation programme hmanpui pahin Ruallung PES Building kangmei tuar tlawhin Upa P.C. Vanlalhruaia, Supervisor of Schools leh Upa Lalthanzama PES Sub-Committee member-te an kal.
Programme zawhah May 21, 2026-a Ruallung PES Building kang chu a hmunah kalin thil awmdan an zirchiang nghal a. Hemi pah hian Mualpheng PES leh Rulchawm PES te pawh tlawhin Managing Board Chairman leh thawktute nen inkawm hona hun tha tak an hmang nghal bawk.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Ramhlun Sport Complex-a vanduaina tawk mi pakhat hnenah Rs.50,000/-, Durtlang Venghluna damlo mi pathum hnenah Rs.30,000/-, Chhingchhip Venghluna damlo mi pahnih hnenah Rs.20,000/-, Vaitin Vengthara damlo mi pakhat hnenah Rs.10,000/-, East Phailenga khawsak harsa chhungkaw pakhat hnenah Rs.10,000/-, Thenzawl Hermon-a damlo mi pakhat hnenah Rs.10,000/- leh Nunsuri khuaa damlo mi pakhat hnenah Rs.10,000/- pek a ni.