Mizoram Christian College chuan July 24, 2026 (Zirtawpni) khan lut tharte lawmna leh zirlai tithate chawimawina (Fresher's Social & Felicitation) hun an hmang.
He hun hi Dr. Lalbiakdiki leh Vanlalpeka ten an kaihruai a. Dr. Tawnenga, Principal-in lawmna thu sawiin, zirlai tharte chu MCC chhungkuaten an lo lawm thu a sawi a. MCC-in a tum ber chu kohhran, khawtlang leh ram tana mi tangkai, lehkhathiam Pathian tih chher chhuah a nih avangin, chutiang mi nih chu tum tlat turin a fuih a, zirlai tithate chawimawina Proficiency Award rawn thawhtu Dr. T. Lalhmangaihi leh Pu Lallungmuana te hnenah lawmthu a sawi a, International Board of Books for Young Readers, 2026 dawngtu Dr. Hannah Lalhlanpuii, Assistant Professor, MCC hnenah college aiawhin lawmpuina a hlan bawk.
Chief Guest, Rev. Dr. Rosiamliana Tochhawng, Executive Secretary, i/c MCC chuan zirlai tithate chawimawina hlanin thu a sawi nghal a. Principal leh zirtirtu taima tak takten an enkawl MCC-in result tha tak a rawn nei thei chu lawmawm a tih thu a sawi. Zirlaite hnenah chuan college tha taka an seilian theih avanga an vanneihna hmu thiam turin a fuih a. Mizo hla phuah thiam Rokunga'n "Raltiang i kai ve ang" a tih hre reng a, thiamna tak tak nei tura hmasawn zel turin a fuih bawk.
He hunah hian zirlaite atangin senior aiawhin C. Lalfakzuala - 5th Semester, Fresher aiawhin Lalhminghlui - 1st Semester, Naom Lalremruati 3rd Semester, Organizing Committee aiawhin PC Lalngaihzuala ten thu an sawi a. Chuailo Cultural Club, Zorinpuia leh Guest Artist Lilac (Lalhriatrengi) ten hun an hmang bawk.