Kristian Thalai Pawl
July 2-16, 2026 chhunga “I Love Taiwan Mission” Taiwan-a neihah Pu Nicholas Lalbiakzuala, Asst. Leader, Pu Lalruatpuia, Asst. Secretary leh committee member-te, T. Upa Laldinpuia, Pu Isak Lalhlankima, Tv. Malsawmsanga leh Nl. Lalnuntluangi Hauhnar, Bawngkawn Branch leh Nl. Grace Lalrinpari Hauzel, Khatla Branch te an kal.
July 2-3, 2026 chhungin Lebanon Mission Centre, Taichung-ah inkhawm leh thupui zir honate neih a ni a, July 4-13, 2026 chhungin Kohhran hrang hrangah thleng darhin, hetah hian an thlenna kohhranten programme an lo buatsaih hrang hrang - inkhawm, summer camp, hmun pawimawh tlawhtea hun hman a ni. July 14-16 chhungin Hsinchu Bible School, Hsinchu-ah Art Craft leh Cultural Exchange Programme-in hun tâwp khâr a ni.
Trust
July 23-24, 2026 chhung khan Silchar-ah STA building sak en leh Pastor Quarters sak tur en felin Pu Lalhriatrenga, JE, Tv. V. Lalhlimpuia, JE leh Pu J. Malsawma, OA te an kal.
July 23-24, 2026 chhung khan Khawhai leh Chawngtlaiah te Pastor Quarters thawm that ngai en puiin Pu Lalramenga Royte, JE a kal.
Worship
July 23, 2026 (Ningnani) khan North Hlimen Bial KTP, Music Training neihpuiin Pu Benjamin Sailo, Instructor leh Pu K. Lalbiakthanga, Trainer te an kal.
Campus Ministry
July 23 - 24 July, 2026 chhung khan Aibawk Presbyterian English School-ah rawngbawlna neiin Rev. Johny Lalremfela, Director, Tv. Lalrinchhana, Counselor bakah Resource Person-te, Pu C. John Saiparliana leh Tv. Kevin Lalhriatpuia te an kal.
July 24, 2026 (Zirtawpni) khan Govt. Chanmari Model Middle School-ah Chhandamna, Drug Awareness leh Identity chungchang rawngbawlna neiin Tv. Lalrinchhana, Counselor bakah Resource Person te, Rev. Dr. Lalnunmawia leh Tv. Lalrindika te an kal.
MSSU
July 24-25, 2026 chhung khan Barak Area-ah Trainers Training neihpuiin Trainer-te, Upa Lalthanchhunga leh Upa Hrilthansanga te an kal.
July 24, 2026 (Zirtawpni) khan Bethlehem Kohhranah Sunday School Zirtirtu training neihpuiin Trainer-te, Upa B. Lalhmunliana leh Upa H. Lalnghinglova te an kal.
July 25, 2026 (Inrinni) khan Sunday School Zirtirtu training neihpuiin Trainer-te hetiang hian an chhuak:
Phullen Bialah Upa B. Hmingthanruala leh Upa K. Zoremsanga
Rawpuichhip Bialah Upa Lalthahluna Ralte, Upa H. Lalremruata, Upa C. Lalbiaksanga leh Upa Lalchuailova
Social Front
July 25-26, 2026 chhung khan Champhai Zion Veng Kohhranah HIV/AIDS leh Ruihhlo chungchang Awareness Campaign neiin Upa R. Vanlalzauva, campaigner a kal.
July 26, 2026 (Pathianni) khan Chawnpui Kohhranah Social Media chungchang inzirtirna Campaign neiin Rev. Dr. Malsawmzoliana, campaigner a kal.
Prison Ministry
July 25-26, 2026 chhung khan Saitualah District Synod Prison Ministry Sub Committee din leh Awareness Campaign neiin Rev. Dr. Rosiamliana Tochhawng i/c Prison, Rev. Lalhleia, Director leh committee member-te, Rev. Lallianmawia Pachuau, Rev. Benny Lalmawia, Rev. TC Laltlanzova leh Upa Chawngsailova te an kal.
Mizoram Christian College (MCC)
Mizoram Christian College, Mizo Department-te chuan July 25, 2026 (Inrinni) khan an zirlaite Kut hnathawh inzirtirna hun atana hmangin Off Campus neiin mautuai an khawrh.
Zirlaite classroom chiaha zirtirna pe lovin, a tak ngeia Mizote hnathawh thin thenkhat kum tinin an neihpui thin a, kuminah pawh chutiang atan chuan mautuai khawrhin hun an hmang a ni.
Presbyterian English School (PES)
July 29, 2026 (Nilaini) khan Sialsuk PES Silver Jubilee lawmna hmanpuiin Rev. Dr. Rosiamliana Tochhawng, Executive Secretary i/c PES leh Nl. Lawmsangzuali, OA te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Phullen Vengthara damlo mi pakhat hnenah Rs.10,000/-, Zawngin khuaa damlo mi pakhat hnenah Rs.10,000/- leh Tuidam khuaa damlo mi pakhat hnenah Rs.10,000/- pek a ni.