July 31 – August 2, 2026 chhung khan Harhna Inkhawmpui, vawi 12-na chu Chaltlang Kohhran Biak Inah neih a ni a, inkhawmpui thupui chu ‘Kraws thu’ (Galatia 6:14) a ni a, inkhawmpuiah hian riaklut 220 an awm a ni.
July 31, 2026 (Zirtawpni) zan atangin vantlang Pathian biak inkhawm a awm a, zirtawpni zanah hian Rev. Dr. V.L. Luaia Hranleh, Senior Executive Secretary-in thuchah a sawi a, August 1, 2026 (Inrinni) chawhmaah Upa C. Ramtharnghaka, Jehova Jire Team Speaker-in thu a sawi a, chawhnuah Upa Laltlanmawia, Chanchin Tha Puangtu Team Speaker-in thu a sawi a, zanah Pu Lalthlengkima Pachuau, Doulos Revival Team Speaker-in thu a sawi a ni. August 2, 2026 (Pathianni) chawhmaah Upa K. Lalawmpuia, Grace Revival Team Speaker-in thu a sawi a, chawhnuah Upa Jerry Laltanpuia, Krista Remna Palai Team Speaker-in thu a sawi a, zanah Rev. John Raldosanga, Synod Moderator-in thu a sawi bawk. Inkhawm apiangin zaipawl hrang hrang an zai bakah inkhawm banah Lengkhawm neih thin a ni bawk. Harhna Inkhawmpuiah hian Revival Speaker leh Team te bakah Kohhran mipui a duh apiang an kal a ni.
Harhna Inkhawmpui hi tun hma chuan Revival Meet tia hman thin a ni a, Synod Revival Speaker leh Counsellor-te intuaitharna hun atan hman thin a ni. Tun dinhmunah Synod Revival hnuaiah hian Synod Revival Speaker 59 (Mipa 57 leh Hmeichhia 2) an awm mek a ni.
Harhna Inkhawmpui hi Synod media pahnih - Hruaina Eng TV Channel (LPS & Zonet) leh Mizoram Synod Youtube Channel-ah te LIVE-a pek chhuah thin a ni.
Harhna Inkhawmpui 2026 Programme Click Here