Meeting-a telte:

1. Shri Anup Kr Choudhuri, Advocate, Silchar Bar Association
2. Shri Nurul Huda, Ex MP, Ex MLA, CPI
3. Shri Kobindra Purkayastha, Ex MP & Ex Union Minister for Communication, BJP
4. Shri Chunulal Bhatacharjee, Secretary District Bar Association
5. Shri Sadhan Purkayastha, Commissioner, Silchar Municipal Board
6. Shri Subinay Pyoteg, Secretary, Viswas Hindhu Parishad (VHP)
7. Shri Heranmay Bhatacherjee, President, VHP
8. Shri Dilip Kumar, VHP
9. Shri Dipak Batacharjee Ex MLA (CPI)
10. Shri Partha Ranjan Chakroborty, Chairman, Silchar Development Authority
11. Shri Hitesh Goswami, Editor, Frontier Sun
12. Shri Durgesh Dey Purkayastha, District Committee Member, CPI
13. Shri Rajesh Dev, President, District Youth Congress
14. Shri Anjan Kumar Das, Doordarshan, Silchar
15. ShriJimud Lal Barman, DDK, Silchar
16. Shri Hironmoy Das, from School Inspector’s Office
17. Shri K Datta Choudhury,     -do-
18. Shri Phulendra Kalita, Inspector of Schools
19. Shri Sekhar Das, Gen Secretary, Shiv Sena
20. Shri Debakar Bhatacharjee, Advocate
21. Smt Ranju Rani Nath, Chairperson, Dist Mohila Congress
22. Shri Brojolal Robidas, Secretary, AUDF, Central Committee
23. Shri Bijoy Kr Bhatacharjee, Dainik Sonar Cachar
24. Shri Meheboob Alam Barbhuiya, President, Dist NSUI, Silchar
25. Representatives of all the Press in Silchar
26. Teaching Staff of Oriental High School with Headmaster
27. Rev Zosangliana Colney, Secretary, Synod Mission Board
28. Rev K Lalhmingliana, Adm Secretary, Barak Area Church & Mission
29. Shri Lalthlengliana, Supervisor of Schools, Synod Mission Board

Dar 4:35pm ah Rev K Lalhmingliana, Administrative Secretary-in lo kalte lawmna leh Mission hruaitute inhmelhriattirna neiin kan thil tawn report tawi a pek hnuin thu sawi hmasa turin Synod Mission Board Secretary Rev Zosangliana Colney a sawm a. Pu Zosanga chuan ‘Vawiin ah hian kan insawi thiamna ngaithla turin kan ko lo che u a, sakhaw chungchanga inhnial pui atan kan sawm bawk lo che u a. Kan inhmuh khawmna chhan ber chu Silchar khawpui hruaitu turte chherna sikul pakhatah harsatna kan tawk a, eng tin nge kan sut kian ang tih thurawn leh rawtna in neihte ngaithla a, sawiho pui atan kan ko khawm che u a. Vawiinah hian mi pawimawh leh buai tak tak, kan lo beisei ngam lohte thlengin in lokal a, ka lawm tak tak a. Aizawl atangin he Program hmang tur hian ka rawn kal vang vang a, ka inchhir lo hle mai. A bik takin ka hriat sa, Pu Govindo Purkhayastra leh Pu Nurul Huda ka hmu a, ka lawm a. Midang, in hming ka hriat theih mai lohte pawh hi mi pawimawh leh hriat phu tak tak in ni ang tih ka ring a, min hmelhriattir turin Pu Sadhan Purkhayastra kan sawm teh ang,’ tiin in hmel hriattirna hun hman a ni a.

Pu Zosanga’n sawi zawmin, ‘Tunlai hunah hian chi bik, hnam bik leh sakhaw bik angin khawiah mah a awm bing theih tawh lo va, engkim mai hi khawvel huapin inawm pawlh leh inthlun zawm (globalize) loh theih loh a ni tawh a. Sumdawnna te, Politics te, Sakhua te pawh chutiang vek chu a ni. Tun February thla pum kha UK-ah ka awm a, London khawpuiah pawh Hindu Temple a lo tam hle tawh mai a, Europe leh America-ah pawh Hindu an pung nasa hle. Hetiang khawvela kan awm avang hian tumah intichhiaa in ngaithei lova awm a remchang lova. Inngaihtheihloh leh intai vel hi hmanlai zia a niin a lang. Keini Mizoram Presbyterian Kohhran pawh hian Wales rama min hringtu Kohhrante rawngbawlna rochun leh chhunzawmin Silcharah hian hun rei tak kan awm a. Oriental High School phei chu kum 30 chuang sikul tha tak, tualchhung mite malsawmtu a lo ni tawh thin a. Kan chhuang a, ti tha pawh kan inti ve hle a ni.

Harsatna hi thil thar a ni lo va, tute pawhin kan tawk thin a. Keini he laia rawngbawlna pawh hian vawi duai lo harsatna kan tawk thin. Silchara kum thum ka awm chhungin, Biak In hal sak te, Kristian In 9 hal te, Pawngsualtua puh leh Tualthah thubuaia puh thlengin kan Mission hian kan lo tawng tawh thin. Chutiang hunah chuan vawiin nia khawtlang nu leh pate hnenah kan buainate kan thlen a, min lo pui tawh thin a ni.  Aw le, kan thil tawn mek report kan ngaithla tawh a, kan inhmuh khawmna chhan kan hre tawh bawk a, kan Convener-in rem a tih chuan sawiho tan mai ila a tha ang e’ tiin.

Pu Nurul Huda’n microphone a lak mek laiin Press lam atangin, ‘In report-ah khan report hmaih a awm, Mission Compound-ah chanchinbumite mawi lo taka tih kan nih thu leh kan Camera te min nam sakin kan Camera hmaite min hupsak a, chuvangin Silchar Press Club chuan heng thil thlengte hi kan dem tak meuh a ni” a rawn ti zung zung a. A thiante’n an rawn pui ve bawk a. Pu Nurula chuan, ‘Kha lam kha chu ka hre ve vak lova. Mahse, Program dang ka neih avangin ka chhuah a tul dawn si a, sawi hmasak ka’n chuh a ni’, tih pahin thu tha tak tak a sawi a. Pathian hnathawh a ni emaw, harhna a ni emaw, Mission Compound-ah a ni emaw, khawi lai Biak Inah a ni emaw a lo thleng a nih chuan sawi tur kan nei lo va, a lo thleng a ni mai.

Amaherawhchu tuna kan harsatna hi chu chutiang thil chuan kan fate zirna sikul kal lai leh inrelbawlna a tibuaia, sikul khar a ngai a, exam tihtawp a lo ngai ta hi a ni a. Chu chu sikula mawhphurtute, thuneitute mawh a ni a, an rel fel theih loh chuan buaina a lo chhuak ta a ni”. Hemi chungchangah hian Zing inkhawm te, Bible lei leh ken ngei tur tih te, Bible ken lohva hremna awm te pawh sawi rik a ni a. Hengte hi chhunzawm loh mai hian heng harsatnate hi a sukiang thawkhat mai dawn lo’m ni. Zing inkhawm a awm a nih pawhin compulsory ni lo se, Bible chhiar pawh a duhin ti mai sela, zirna sikul a ni a, sakhaw thilte hi khap a nih em loh pawhin zirlai zawng zawng tan compulsory ni lo se la, tiin a sawi a. Pu Govida chuan, he sikul hi Mission Sikul a ni a, mahse SEBA hnuaia awm a nih avangin kan School Inspector hian thil sawi hmasa ve se la a that ka ring, tiin a rawt a. Convener-in a sawm nghal a. Inspector hian Inspector a nih anga information a hmuh loh thu leh ama bengvara a hmuna a tlawh thu a sawi a, a lungawi vak lovin a lang. Taksa chetna changte dah hrang tura thurawn a pek thu leh a duh anga an dah hran rei loh thu te a sawi a.

Chanchinbu mite lungawilohna hi ngaipawimawhin Rev. Zosangliana Colney chuan a chhang nghal a – “Freedom of the Press kan lo zah tawk lohnaah ngaihdam ka dil a. Mi chi tin, lehkhathiam leh thiam lote in awm pawlh kan nih avangin leh kan thil tawn hi thut thil a nih avangin infin chhuahna hun pawh a awm loh thu te ka sawi a. Chutih rualin thil 2 sawi lan ve ka duh chu: 1) Chanchinbu mi nih hriatna chhinchhiahna eg. Badge/ ID Card an hmuhtir hnua chutianga ti an ni em? an nih loh chuan tunge in nih? eng mi nge in nih? an hriat loh vang a ni thei. 2)Chanchinbu mite zalenna ( Freedom of the Press) zah tur a nih rualin mimal zalenna (Individual Freedom) pawh zah a ngai bawk ang. Miin ka thla min laksak suh emaw, ka duh lo an ti chung chung tihluih chu  dik lo ve bawk ang. Kan naute hi mahni inthunun thei lote an ni a, an silhfen inbelte pawh phelh pheng phung te an nih avangin tlangzarh atan chuan a mawi lovin a zahthlak ve bawk a. Chutiang thla lak luih te pawh an awm niin kan hre ve bawk”, tiin. Hemi thu hi chu an chhang zui ta vak lo va. Administrative Secretary-in ‘chutiang report ka dawng lo’, a tih erawhchu, TV leh chanchinbu tinrengah kan chhuah a, eng tin nge I dawn loh theih? tiin an zawt let ve thung.

Thusawi thenkhatte:

           # In sikul hi in sakhaw thehdarhna hmanrua atan nge Zirna hrim hrim tih sawi chiang ula, ngaihtuah dan a awm ang?

           # Zirlai Nu leh pate thu leh hla hi ngaipawimawhin an thu la tam ula a tha ang.

           # Devotion leh Bible lei luihtir leh ken ngei ngei tura tih hi titawp ula a tha ang.

           # Oriental High School hi kan chhuang a, result tha tak tak neiin kan ram leh hnam tan mi tam tak chher chhuahna a nih avangin Mission chungah pawh lawmthu kan sawi a ni.

           # Taksa chetna chang zirlaite hi thla khat tal dah hrang rawh u.

Tlai dar 6-ah an tin ta a ni.