Kristian Thalai Pawl
August 3, 2026 (ThawhTanni) zan khan Zonuam Bial KTP-ah thupui ‘KTP thiltum pawimawh zia inzirtirna’ neihpuiin Upa Lalbiakfela, Treasurer leh Pu F. Lalawmpuia Committee Member te kan kal.
August 8-9, 2026 khan Bungtlang Bialah Leadership Training neihpuiin committee member-te, T.Upa Lalremsiama Khiangte, Dr. C. Lalchhanhima, Tv. Lalbuatsaiha Khawlhring leh Pu Elisianmawia te an kal.
August 10, 2026 (Thawhtanni) zan khan Ngopa Bialah Leadership Training neihpuiin Pu Lalruatpuia, Asst. Secretary leh committee member-te, Tv. Vanhmingthanga, T.Upa C. Rohmingliana, Pu H. Lalchungnunga leh Tv. B. Laldinpuia te an kal.
Campus Ministry
August 4-6, 2026 chhung khan Synod Home Mission School, Kawrthindengah GOSPEL WEEK hmangin Tv. Lalrinchhana, Counselor leh Resource Person-te, Pu C. John Saiparliana leh Pi Lalsiamthari te an kal.
August 7-8, 2026 chhung khan Presbyterian English School, Zokhawtharah rawngbawlna neiin Rev. Johny Lalremfela, Director leh Resource Person-te, Nl. Laltlankimi leh zaithiam Tv. Lalthlanawma te an kal.
Trust
August 6-7, 2026 chhung khan Khawzawl leh Champhaiah Pastor Quarters ram en fel leh Counselling Centre building sakna tur en felin Upa Thangliankhuma, AE, Pu Kros Nuntluanga, JE leh Pu J. Malsawma, OA te an kal.
Presbyterian English School (PES)
August 7, 2026 (Zirtawpni) khan Champhai Zotlang North Kohhran Hall-ah One Day Teachers’ Training neih a ni a. Training-ah hian PES 26 atangin zirtirtu 290 chuang an kal a ni. He One-Day Training-ah hian Pu Rosiamliana Ralte, Ex-Vice Principal (DIET), Pi C. Januari, Jt. Secretary, ETF leh Dr. J. Lalsangzuala, Asst. Professor, IASE te chu resource person an ni. Training neih pah hian Upa P.C. Vanlalhruaia, Supervisor of Schools chuan Tlangsam PES leh Hmunhmeltha PES te a tlawh nghal bawk.
August 9, 2026 (Pathianni) khan Kepran Kohhranah PES Awareness Campaign neiin Upa P.C. Vanlalhruaia, Supervisor of Schools leh Upa Dr. Lalrinmawia, Committee Member te an kal.
MSSU
August 7, 2026 (Zirtawpni) khan Zuangtui Venglai Kohhranah Sunday School Zirtirtu training neihpuiin trainer-te, Upa C. Lalbiaksanga leh Upa John Lalnunthara te an kal.
August 8, 2026 (Inrinni) khan Hlimen Vengthar Kohhranah Sunday School Zirtirtu training neihpuiin trainer-te, Upa Hrilthansanga, Upa Lalrinawma Ralte leh Upa R. Vanlalhruaia te an kal.
Finance
August 8-9, 2026 chhung khan Khuangleng South Bialah Sum vawn dan training leh Finance Campaign neiin campaigner-te, Upa David Lalnunfela, Synod Office, Upa PC Vanlalrova, Upa VL Zahawma leh Upa C. Ramtharnghaka te an kal a, training-ah hian mi 142 an kal a ni.
Mal Zai Intihsiak, Praise On 2026
Synod Information & Publicity Department (Synfo) leh Central KTP tangkawp chuan kumin hian Praise On 2026, Mal Zai Intihsiak a buatsaih leh dawn a, he intihsiakna hi Mizoram pum huap a ni dawn a, Presbyterian Kohhran, KTP member-te tan tel theih a ni ang.
Praise On 2026, Audition round hi August 24-27, 2026 chhungin Video thehluh tur a ni a, September 4, 2026-ah result puan a ni ang a, second round chu September 21-25, 2026 chhungin neih a ni ang a, second round atangin top 50 thlan chhuah a ni ang a, Top 50 intihsiak chu October 21-23, 2026 chhungin neih a ni ang a, Top 50 atangin Top 10 thlan a ni ang a, Final round a ni nghal ang. Top 10 intihsiak chu November 19, 2026-ah neih a ni ang a, November 20, 2026-ah Result puan a ni ang.
Synfo leh Central KTP tangkawp buatsaih Praise On hnu hnung ber chu 2024 khan neih a ni a, Mal zai intihsiak bakah Group Zai intihsiak te, Band Intihsiak te leh Bial Zaipawl Festival te a lo buatsaih tawh bawk.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Darlak Bial chhunga harsatna hrang hrang tawk chhungkaw paruk hnenah Rs.60,000/-, Airfield venga damlo mi pathum hnenah Rs.30,000/-, Chhiahtlang Venghluna damlo leh khawsak harsa chhungkaw pahnih hnenah Rs.20,000/-, Thingsai khuaa leimin tuar chhungkaw pakhat hnenah Rs.12,000/- leh Darlawng khuaa damlo mi pakhat hnenah Rs.10,000/- pek a ni.