SL&PB
August 22-23, 2026 chhung khan Kawrtethawveng Bialah Literature Campaign leh Seminar neiin Rev. P.B. Zosapthara, Editor, Pu Eric Lalnunmawia, OA leh Upa Dr. Lalthanliana, BEC Member te an kal.
MSSU
August 22, 2026 (Inrinni) khan Delhi Bialah Sunday School Zirtirtu training neihpuiin trainer-te, Upa B. Lalhmunliana leh Upa Zohmangaiha te an kal.
Presbyterian English School
August 21-24, 2026 chhung khan Rev. Dr. Rosiamliana Tochhawng, Executive Secretary i/c Education leh Upa P.C. Vanlalhruaia, Supervisor of Schools (PES) te chuan Zamuang Biala Kolalian Kohhranin Presbyterian English School (PES) an hawn chu a hmunah kalin an enfiah a, hemi rual hian Zamuang PES, Darlak PES leh Rengdil PES an tlawh nghal a, thawktute nen inkawm hona hun tha tak an hmang a ni.
Hemi pah hian Tripura Synod huamchhunga Mission hmalakna an tlawh kual nghal bawk a, Damcherra-ah Pastor Quarters hmun lei turte an enkual a, Noagang Kohhranah tihtur pawimawhte tihfel a ni a. Pathianni zingah Tuingoi Kohhranah Rev. Dr. Rosiamliama Tochhawng-in Pathian thuchah a sawi a, Pathianni zanah Noagang Kohhranah thu a sawi leh bawk. Inkhawm banah Noagang Mission Compund-a thawktute nen inkawm hona hun tha tak an nei a. Tripura Synod Executive Secretary, Rev. Kalu Koloi leh Tripura Mission Field Secretary, Rev. H. Lalrinsanga ten a tir atanga a tawp thlengin Rev. Dr. Rosiamliana Tochhawng, Executive Secretary hi an lo tawiawm a ni.
Mission Board
August 22-31, 2026 chhung khan India Missions Association (IMA) buatsaihin National Leaders Conference (NLC) programme, Jesus Redeems Centre, Nalumavadi, Nazareth, Tamil Nadu-ah neih a ni a, hemi hunah hian Pu Albert Lalhmangaiha, Coordinator a kal.
August 23, 2026 (Pathianni) Chawhnu leh Zan khan Masihi Sangati Convention Vawi 34-na thlengtu tur Thingsulthliah Bial chhung Kohhran pali (4)-ah Pre-Convention Campaign neih a ni a. Aizawl atangin Masihi Sangati Working Committee leh Campaigner mi 12 leh zaipawl hrang hrang - Synod Mission Choir, Venghlui Bial Masihi Sangati Zaipawl, Zemabawk East Kohhran Masihi Sangati Zaipawl leh Tlungvel Vengthar Bial Masihi Sangati Zaipawl ten rawngbawlna an nei a. Pathianni tlai dar 3:30-ah Convention Organizing Committee leh Campaigners-te hian Convention inbuatsaihna chungchangah inkawm hona an nei bawk.
Masihi Sangati Convention hi October 2 - 4, 2026 chhung hian Thingsulthliah-ah neih tur a ni a. Kumin atang hian Pandal-ah Convention hi hman turin ruahman a ni.
Kristian Thalai Pawl
May 22-23,2026 chhunga khan Thingdawl Bial KTP Meet hmanpuiin Pu Lalduhawma Chhangte, Finance Secretary leh committee member-te, T.Upa R. Lalengmawia leh Tv. Emmanuel F. Zarzokima te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Ratu Melkawn Biak In tual zawl chim dawlna atan Rs.7,00,000/-, Phullen Bial chhunga damlo mi paruk hnenah Rs.60,000/-, Durtlang Dawrkawna leimin tuar chhungkaw pakhat hnenah Rs.20,000/-, Ramhlun Venglaia khawsak harsa chhungkaw pahnih hnenah Rs.20,000/-, Champhai Bethel Bial chhunga damlo mi pahnih hnenah Rs.20,000/-, Khawruhlian khuaa damlo mi pahnih hnenah Rs.20,000/-, Rangvamuala in chhia chhungkaw pakhat hnenah Rs.15,000/-, Buarpui khuaa khawsak harsa mi pakhat hnenah Rs.10,000/-, Tuikual North-a damlo mi pakhat hnenah Rs.10,000/-, Biate khuaa damlo mi pakhat hnenah Rs.10,000/-, Kawnpui Venglaia damlo mi pakhat hnenah Rs.10,000/-, Zemabawk North-a damlo mi pakhat hnenah Rs.10,000/-, New Chalrang khuaa damlo mi pakhat hnenah Rs.10,000/-, Tualcheng khuaa damlo mi pakhat hnenah Rs.10,000/-, Kulikawn West-a leimin tuar chhungkaw pakhat hnenah Rs.10,000/- leh Saitual Nazareth-a damlo mi pakhat hnenah Rs.10,000/- pek a ni.
July 2026 thla chhunga harsatna hrang hrang tawkte hnena Synod Relief Fund atanga chhawmdawlna sem zat chu Rs.8,47,000/- a ni.