Vawiin (Sept. 13, 2026) hi Naupang Sunday School Inkhawmpui Ni a ni a, Presbyterian Kohhran hnuaia Bial hrang hrangah Naupang Inkhawmpui hi hman a ni ang.
Naupang Inkhawmpuiah hian Pathian thu, hla leh thu inchhang hmangin inelna neih a ni ang a. Heng bakah hian naupangten item hrang hrang a remchan dan angin an nei bawk ang. Naupang Inkhawmpui hi Bial tam zawk chuan intihsiakna atan an hmang a, Bial thenkhat erawh chuan intihsiak lovin an hmang bawk.
Naupang Inkhawmpui hi a tirah chuan Missionary-te thahnemngaihna avanga neih tan a ni a. Kum 1931 khan Aizawl Tlangnuam Kohhranah neih a ni a, hei hi Naupang Inkhawmpui hmasa ber ni-a hriat a ni.
Tun hma lam chuan Naupang Inkhawmpui hi Bial hrang hrangin an remchan hunah an nei mai thin a, tun hnai deuh atang khan Bial tinte kan kal rual theih nan MSSU chuan Sunday School Zirlai Syllabus-ah Naupang leh Senior Inkhawmpui hun tur an ruahman tel ve ta a ni. September Pathianni vawi 2-naah Beginner Department atanga Sacrament Department leh Pathianni vawi 3-naah Senior Department ten inkhawmpui an nei thin a ni.
Kumin 2026 inchhiarnaa MSSU dinhmun chu hetiang hi a ni:
Sunday School zat : 1050
Hotute : 4,467
Zirtirtu : 56,862
Zirtu : 4,33,821