October 27, 2026 (Thawhlehni) chawhma dar 10:00 khan J.M. Lloyd Hall, Synod Office-ah Synod Hospital Board meeting vawi 155-na an thu.
Thut khawm hi Synod Moderator, Rev. John Raldosanga’n a kaihruai a, Dr. RL Sanghluna, Board Secretary-in report a pe.
Report-ah hian CMC Vellore-a PB B.Sc Nursing II year zirlai mi 5 leh MBBS zirlai mi 7 ten Secondary Hospital Programme hmanga an rawn kal thu te, CMC Vellore atanga Spine Surgeon Dr. Kenny David a rawn kal thu te, Chaplain Quarters thar luah fel a nih thu te, Health Sunday & Hospital Sunday hmanpuia Kohhran 37-a thawktute an chhuah thu te, Christian Medical Association of India buatsaih Workshop on Health Care Management Development Programme vawi 38-na hmanga thawktute an kal thu te, Nursing College hmalakna hrang hrang te, Free Clinic neih a nih thu te leh September 2026 chhunga mimal leh pawl hrang hrang atanga thilpek dawn te tarlan a ni.
Thut khawmah hian thu ngaihtuah tur 30 a awm a, chung zingah chuan Assistant Nursing Superintendent ruat chungchang te, Medical Officer post ruak hnawh khah chungchang te, John Williams Hospital building sak that chungchang te, Sculpture siam chungchang te, Bial inkhawmpui leh Presbytery inkhawmpui atanga thu lut hrang hrang te, kum 2027-2028 Hospital budget ruahmanna te leh kum 2025-2026 Synod Hospital Report thlir ho te chu a langsar zual a ni.
For more Pics Click Here