Vawiin (Oct. 28, 2026) chawhma dar 10:00 khan J.M. Lloyd Hall, Synod Office-ah Synod Pastoral Committee, kum 2025-2027 chhunga a vawi 5-na atan an thu.
Thut khawm hi Rev. John Raldosanga, Synod Moderator-in a kaihruai a, Rev. B. Zohmangaiha, Synod Secretary-in report a pe.
Secretary report-ah hian zirna sang zawk zir avanga a huna Pastor induction neihpui hman lohte chu May thlaah tluang taka induction neih a nih thu te, Minister thi mi panga te leh Pastor awmna siamrem chungchang te tarlan a ni.
Tun tumah hian thu ngaihtuah tur eng emaw zat chhawp chhuah a ni a, chung zingah chuan Kum 2026 leh 2027-a Pro. Pastor lak tur zat chungchang te, kum 2027-a Pastoral Ministry thupui chungchang te leh Bial siam rem leh Bial thar hawn rawtna te chu a langsar zualte an ni.
