Vawiin (Oct. 30, 2026) chawhma dar 10:00 khan Synod Literature & Publication Board vawi 32-na chu J.M Lloyd Hall, Synod Office-ah an thu.
Thut khawm hi Rev. John Raldosanga, Synod Moderator-in a kaihruai a, Rev. P.B. Zosapthara, Secretary-in report a pe.
Report-ah hian SL&PB-in thla kip chhuak chanchinbu an enkawl hrang hrang chhut zat te, lehkhabu 37 chhuah thar a nih thu leh chhut mek paruk a awm thu te, Kohhran hrang hrangah Literature campaign leh Seminar neih a nih thu te, Kristian Naupang Joint Editor thlak anih thu te, Facebook leh Instagram-ah account siam a nih thu te, Kum 2027-a Puitling Sunday School leh Nilai leh Beihrual Thupui atana Editing Group siam a nih thu te leh Synod Inkhawmpui leh Synod Executive Committee thurel hrang hrang bawhzuina te tarlan a ni.
Tun tumah hian Bial Inkhawmpui atanga thu lut te, lehkhabu chhuah dilna te, Annual report te leh 2027-2028 budget te chu a langsar zual te an ni.
For more Pics Click Here