Campus Ministry
October 28 - 30, 2026 chhung khan Salem Boarding School-ah Gospel Week hmangin Tv. Lalrinchhana, Counsellor bakah Resource Person-te Pu C. John Saiparliana leh Tv. Benjamin V.L. Hriatzuala te an kal. Gospel Week-ah hian thusawi, counselling class, zaikhawm leh Praise and Worship-a hun hman a ni.
November 3, 2026 (Thawhlehni) khan Presbyterian English School, Selingah ‘Gospel Day’ hman a ni a. He hunah hian Tv. Lalrinchhana, Counselor bakah Resource Person Upa K. Lalengzama leh Pu C. John Saiparliana te an kal.
Worship
October 31, 2026 (Inrinni) khan Saitual Venglaiah Zai hruaitu Training neihpuiin T.Upa H. Lalrinmawia, Senior Music Instructor leh Pu C. Lalchhandama, OA te an kal.
Synod Hospital, Durtlang
Synod Hospital, Durtlang-ah khawvela cataract zaina khawl tha, UNITY CS/VCS chu bun fel a ni. UNITY CS/VCS khawl hi Delhi, Gurgaon leh Mumbai lam hospital lianah chauh a la awm rih a, North East pum: Assam, Meghalaya, Nagaland, Manipur, Tripura, Arunachal leh Mizorama awmchhun a ni. Khawl chak zawk, mit ti na tlem zawk, dam chak zawkna tur khawl Synod Hospital-in a nei ta hi a lawmawm hle a ni.
Mission Board
November 1, 2026 (Pathianni) khan Sumasumi Branch Church-ah belhtu thar 75 an awm. Sumasumi hi Tlabung Chawnpui bial chhunga awm a ni a, a khuaah hian in 100 chuang hret a awm a, a mi chengte hi chakma an ni a, Kristian bakah Buddhist sakhaw zuitute an ni. Kohhran chhungkua 21 awmin, chhungkaw 12 hi kan kohhran awm hlangna a ni a, chhungkaw 9 hi in awmpawlhna a ni thung. Kohhran member zawng zawng 55 an ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
N.E. Tlangnuama damlo mi pathum hnenah Rs.30,000/-, Mamit Bial chhunga khawsak harsa chhungkaw pahnih hnenah Rs.30,000/-, Damparengpui Hmarvenga kangmei tuar chhungkaw pahnih hnenah Rs.20,000/-, Thiak khuaa damlo mi pahnih hnenah Rs.20,000/-, Darlawn Chhimvenga In kang chhungkaw pakhat hnenah Rs.12,000/- leh Mission Venga damlo mi pakhat hnenah Rs.10,000/- pek a ni.