November 6-8, 2026 chhung hian Central KTP buatsaih Chhim Bial KTP Meet 2026 chu Lunglei Venglai Kohhran Biak Inah neih a ni ang.
November 6, 2026 (Zirtawpni) zan hian Central KTP Report leh Inlawmna inkhawm neih a ni ang a, November 7, 2026 (Inrinni) chhunah Variety Programme-a hun hman a ni ang a, zan lam Pathian biak inkhawmah Rev. H. Lalhmingmawia, Administrative Secretary, Chhim Bialin Pathian thuchah a sawi ang. Inkhawm banah Fellowship neih a ni ang a, special item hrang hrang hmangin hun hman a ni ang. November 8, 2026 (Pathianni) chawhmaah Rev. Dr. Rosiamliana Tochhawng, Executive Secretary i/c KTP-in Pathian thuchah a sawi ang a, chawhnuah Upa Lalbiakfela, Treasurer, CKTP-in Pathian thuchah a sawi ang a, zanah Rev. K.M. Vanlalpeka, Leader, CKTP-in Pathian thuchah a sawi ang. Inkhawm banah Fakna inkhawm neih a ni ang. Inkhawm apiangin Mizoram Synod Choir bakah Bial hrang hrang zaipawl te an zai a ni.
Chhim lama Central KTP-in Meet a buatsaih thin hi hming hrang hrang chu vuah ni bawk mah se; ‘Chhim Bial KTP Meet’ tia khaikhawmin; tun tum hi a vawi 7-na a lo ni ta a ni. Chhim lama KTP member-te tan Programme hlimawm leh Taksa leh Thlarau lamah pawh hlawkna an neih beiseiin Chhim Bial KTP Meet hi buatsaih thin a ni.
Chhim Bial KTP Meet hi Synod Information & Publicity (Synfo) in video coverage an buaipui dawn a, Hruaina Eng TV channel, Mizoram Synod & Central KTP Youtube channel-ah te live telecast a ni ang.
MEET NEIH TAWH DAN
Intodelh Seminar Cum Music Meet : June 26-28,1992 @Lunglei Venglai
Chhim Bial KTP Meet : February 22-24,2002 @ Lunglei Venglai
Chhim Bial Meet : November 12-14,2004 @ Lunglei Chanmari
Musical Meet : September 30-Oct. 1,2006 @ Lawngtlai Bazar Veng
Chhim Bial Musical Meet : November 9&10,2019 @ Lawngtlai Bazar Veng
Chhim Bial Meet : October 28&29,2023 @ Lunglei Ramthar
Chhim Bial KTP Meet : November 6-8,2026 @ Lunglei Venglai