Synod Multipurpose Training Centre (SMTC) buatsaih Lay Leaders’ Training vawi 241-na chu November 9-13, 2026 chhung hian neih mek a ni.
November 9, 2026 (Thawhtanni) zanah Training hawnna inkhawm neih a ni a, Rev. H. Lalmuanchhana, Director-in a kaihruai a. Rev. John Raldosanga, Synod Moderator-in training hawngin thuchah a sawi a, Moderator chuan Presbyterian hian dan mumal tak kan nei a, thil tam tak zir tur a awm a, Kohhran Upa chu kan Beramte tana kan inpek a ngaihzia te, kan tlin leh fel avanga Kohhran Upa atan thlan kan nih loh zia thu te a sawi a ni. He hunah hian Nl Emmanuel Lalramsiami, Armed Veng a zai bawk.
Tun tum training-ah hian Presbytery 19 atangin Kohhran Upa 48 an tel thei a, training chhunga Resource person turte chu Rev. Dr. Rualthankhuma, Rev. F. Lalhmingthanga leh Rev. K. Rolungmuana te an ni.
November 18, , 2026 (Zirtawpni) zan khan Training kharna inkhawm neih a ni a, Rev. H. Lalmuanchhana, Director-in a kaihruai a, Rev. Lianhmingthanga Sailo, Managing Committee Member-in Training chhuakte hnenah Certificate hlanin thuchah a sawi a, he hunah hian Pi Liandingpuii, Mission Vengthlang a zai bawk.
Kohhran Upate tana Lay Leaders’ Training hi kum 1996 atang khan neih tan a ni a, training-ah hian Kohhran Upate tan Kohhran enkawl dan leh inrelbawlna lam atana pawimawh chi hrang hrangte zir thin a ni a. Kohhran thlarau lam nun enkawl dan tha te zir ho thin a ni bawk.